زبدةالاشعار

ای وفا افلاکنه رخشنده ماهیم عمه جان #حضرت_رقیه_هوشی_تبریزی

زبانحال حضرت رقیه (س)
.
.
.
مرحوم غلامعلی باقری الهامی ( هوشی تبریزی)
.
.
ای وفا افلاکنه رخشنده ماهیم عمه جان
چوخ خوشام ویرانه اولسون خوابگاهیم عمه جان
.
.
عمه بوویرانه ده من انس والفت گورموشم
گرچه جانیم انجیوب چوخلی اذیت گورموشم
جانیمی لیکن بو تپراق ایچره راحت گورموشم
خوشدی دیبا دن منه بوخوابگاهیم عمه جان
.
.
هر طرفدن غصه ومحنت بوزاره تاپدی ال
عاقبت درک ایتدی بو یرده منی پیک عجل
ممکنون اولسا گیدورسن لیک بیرده شامه گل
اول بومحنت خانه ده دائم پناهیم عمه جان
.
.
سن بولورسن عمه گلدی نه بلالر باشیمه
روزوشب قاتدیم بویرده خون دل گوزیاشیمه
یوزده گوزیاشیله یازدیم نامه اوز قارداشیمه
قاصدیم اولدی ولیکن پیک آهیم عمه جان
.
.
بیر صغیره سنّیله عمه چوخ اولدی محنتیم
غصه مرگ اولدوم بویرده دلده قالدی حسرتیم
شه قیزیدیم گتیدی الدن عزو جاه و شوکتیم
اولدی حسرتله خرابه بارگاهیم عمه جان
.
.
تیر غمله قلبیمی بیجا یره من دلمدیم
درد و محنتدن بیرآن آفاقیده دینجلمدیم
کربلادن شهر شامه خود سرانه گلمدیم
رهنما اولدی بویولدا رأس شاهیم عمه جان
.
.
بیرگل خوشرنگیدیم ای عمۀ نیکومرام
رنگیمی سولدوردی بوآب وهوای شهرشام
گیت یتورکربو بلا ده اکبره مندن سلام
آگه ایت حالیمدن ای امیدگاهیم عمه جان
.
.
گرچه درد وغصه دن من عمه جان افتاده ام
اولموشام امّا رها بو قیدیدن آزاده ام
هرقدرخواراولسام امّا عاقبت شهزاده ام
گتمیش الدن گرچه شأن عزّو جاهیم عمه جان
.
.
بیرقیزام آفاقیده بیرعمری شیون ایلدیم
حسرتیله کُنج ویرانی نشیمن ایلدیم
ظلم الیندن بو یری وادی ایمن ایلدیم
مأمن اولدی نه گوزل بوجایگاهیم عمه جان
.
.
سن بو لور سن یوخ یری من ایلییم آگه سنی
نه جفا لر ایلیوب یولّاردا اشرار دنی
ناقه دن اورداکه وُردی ساربان یخدی منی
اولمادی بیرکیمسه اولسون دادخواهیم عمه جان
.
.
همدم اولدون عمه جان من غملننده سن منه
هم صدا اولدون منه دائم گلنده شیونه
چوخ خجیل اولدوم یتوشدی زحمتیم بیحد سنه
محضرونده عفوایله اولسا گناهیم عمه جان
.
.
چوخلی غم یتدی بابام هجرینده قلب زاریمه
فرقتونده اشگیم آخدی سیل تک رخساریمه
لطف ایدوب آخربابام گلدی منیم دیداریمه
عاقبت یاراولدی بوبخت سیاهیم عمه جان
.
.
بسکه اهل کینه اظهار عداوت ایلدی
قلبیمی تیر شماتتدن جراحت ایلدی
سن بولورسن شمر یولدانه جسارت ایلدی
اول جسارتدن یوزومده وارگواهیم عمه جان
.
.
(هوشینون) شورحسینیله باشندا واردی شور
آرتورورشور حسین هرلحظه قلبینده سرور
نوحه یازماقدا بیزه لیل ونهار ایتمزقصور
ایسترم توفیق لطف ایلر الهیم عمه جان
.
.
#حضرت_رقیه_شهادت
#ای_وفا_افلاکنه_رخشنده_ماهیم_عمه_جان
#ترکی #حضرت_رقیه #هوشی_تبریزی
#زبدةالاشعار

متن پیشنهادی:  سیر ائدن میقات عشقی شاه گردون جاهیدور #حسینیه_بیضا_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی