زبانحال حضرت زینب (ع) در خرابه
خطاب به رقیّه (ع)
.
.
.
#سبک_بزم_عزاده_گیمیشم
.
مرحوم تائب تبریزی
.
ای گوهر بحر حیا نازلی رقیّه
گوزیاشی درّ پر بها نازلی رقیّه
آغلاما آغلاما
سینه وی داغلاما
.
.
.
سن باغ عصمتده قزیم با صفا گلسن
بستان عفّتده اولان زلفی سنبل سن
گلشن گولر گل لر گولر گل کیمی گولسن
گول ای گل باغ وفا نازلی رقیّه
.
.
ایتمه گِله تیره اولان روزگاروندان
بیر ذرّه ده اسکیلمیوب اوز وقاروندان
سندرما وقرون چکمه ال اوز وقاروندان
ای معدن وقر و حیا نازلی رقیّه
.
.
باخما اولویسان ظاهراً بیله افتاده
چوخ عزّتون وار باطناً نازلی شهزاده
شیرین دلیم گلمه بیله داد و فریاده
ائتمه سنق نی تک نوا نازلی رقیّه
.
.
باخما لباس کهنه وه یانما حسرتدن
لعل و جواهر چولقانار کهنه عفّتدن
سالماز او کهنه گیماقی لعلی قیمتدن
هر حالده هاردا اولا نازلی رقیّه
.
.
اوز عمّه سیندن درس آلان نازلی ورزیده
بیر گوهر تابنده سن ای بلا دیده
کهنه لباسه شامده لیک پیچیده
ای گنج پر قدر و بها نازلی رقیّه
.
.
جدّون اولوب خانه نشین راه قرآندا
سیمرغ دین لانه نشین راه قرآندا
اول سنده ویرانه نشین راه قرآندا
ای هر بلایه آشنا نازلی رقیّه
.
.
بیر بیله دریای غمه گوهریم باتما
گوز یاشیوی گوزده اؤرک قانینه قاتما
بو اهل بیتی آغلیوب بیله آغلاتما
عمّن سنه قربان اولا نازلی رقیّه
.
.
قویما سولان رخساریوی بیله دیواره
وورما یارالی قلبیمه تازه دن یاره
هر دم بابا وای سسلیوب باخما یوللاره
اوز گوزلرین تیکمه یولا نازلی رقیّه
.
.
بیر بلبل خوش لهجه سن گل بوداقیمده
دائم گوزل لهجون قالور بو قولاقیمده
یرده یوخون گلمور اگر یات قوجاقیمده
ای عندلیب خوشنوا نازلی رقیّه
.
.
گه ناله ایلورسن حزین بس مؤدّب سن
گه غنچۀ خاموش تک مهر بر لب سن
تمثال زهرا سن قزیم روح زینب سن
زهرا باخیش زهرا نما نازلی رقیّه
.
.
چرخ حیانین ای ایشیق اولدوزی آخما
آخما آخاندا خورداجا قزلارا باخما
حسرت باخوب بو قلبیمی یاندیروب یاخما
یاندیم یاخیلدیم آغلاما نازلی رقیّه
.
.
گوز چشمه سیندن قویما چوخ سیل لر آچیلسون
لبخند وور بلکه سولان گل لر آچیلسون
بیر گول دوتولموش غصّه لی دل لر آچیلسون
ویر هر سنق قلبه صفا نازلی رقیّه
.
.
دولدورما گویچک گوزلرون چوخ یانا یانه
چیگنونده بوینون گوز یاشون توکمه دامانه
بیله دولاندیرما گوزون سن یتیمانه
حسرتله باخما صاق صولا نازلی رقیّه
.
.
همدمدی آهون مین له غم یولداشون واردی
گل یوزده طوفانلی آخان گوز یاشون واردی
مرگ آرزو ایتمه هله اوچ یاشون واردی
ای درد هجره مبتلا نازلی رقیّه
.
.
تائب قوشول سنده گیدن کاروانیله
گیت قبری اوسته عده ای نوحه خوانیله
تکرار ایدون بو نوحه نی بو بیانیله
ای نو گل باغ حیا نازلی رقیّه
.
.
.
.
نظر دهید