راه شام – دیر راهب
.
✍️ زبدة الاشعار ✍️
.
?: @nohe_torki
.
مرحوم یحیوی اردبیلی
.
ای غربت اؤلکه ده
ویلان اولان حسین
نصرانی دیرینه
مهمان اولان حسین
.
.
ای نینوا چولین – قانی ائدن منا
مال و عیال دن – جاندان کچن آقا
دست جفائیله – کربو بلا آرا
اجناس خیمه سی – تالان اولان حسین
.
.
قربان اولاق سنون – پوزقون جلالیوه
پوزقون جلالیوه – افسرده حالیوه
قاندان خضاب اولان – گلگون جمالیوه
ای غرق آهنِ – پیکان اولان حسین
.
.
ویردون اوجا علم – دنیای عشقده
سیر ایلدون عجب – صحرای عشقده
حقون رضاسینه – مینای عشقده
شهزاده اکبری – قربان اولان حسین
.
.
من آغلارام سنون – آخر زمانیوه
قاتل سو وئرمدی – تشنه لبانیوه
قان زخمدن آخوب – دولدی دهانیوه
ای بیر ایچیم سوئی – آلقان اولان حسین
.
.
بیرده من آغلارام – طفل حزینووه
باشسیز سنی گوروب – چسب اولدی سینووه
قمچی دگن زمان – نازلو سکینووه
سر نیزده باشی – گریان اولان حسین
.
.
دنیایه بیلدیرن – غملی حکایتین
تاریخه یازدیران – شرح مصیبتین
اولادی سیر ائدن – دشمن ولایتین
چوللرده زینبی – نالان اولان حسین
.
.
منزل ائدن گهی – خاک تنورده
ویرانه کوفه ده – شهر شرورده
گه چوب ظلمیله – بزم غرورده
قانیله لبلری – الوان اولان حسین
.
.
ای دائم آغلادان – زهرانی ناله سی
دینه وئرن رواج – قرآنینون سسی
راه دمشقده – نالان اولان سسی
صندوق دیردن – تالان اولان حسین
.
.
شرحین یازوم اونون – هانسی ملالی نون
قانلو دوداقینون – پژمرده حالی نون
حکم یزیدیله – اهل و عیالی نون
شام ایچره منزلی – ویران اولان حسین
.
.
تقصیر « یحیوی » – حدّن گئچوب اگر
باب حسین ده – وار اسمی نوحه گر
هول جهیمدن – لاشک خلاص ائدر
محشرده شافعِ – عصیان اولان حسین
.
.
.
#سبک_مسلمون_شهادتی 5 سبک
.
.
.
#دیر_راهب_راه_شام
#ای_غربت_اؤلکه_ده_ویلان_اولان_حسین
#یحیوی_اردبیلی
#ترکی
.
✍️ #زبدةالاشعار ✍️
.
?: @nohe_torki
نظر دهید