باجیدی باجی سنی سسلین بیله یاتموسان هیچ اویانموسان #کوچ_شام_اقدم_اهری

کوچ از شام، زبانحال خواهر حضرت رقیه (س)
.
.
امیر سفیدی اقدم اهری(عاذل)
.
.
باجیدی باجی سنی سسلین بیله یاتموسان هیچ اویانموسان
سسیمی مگر که ایشتموسن بیله یاتموسان هیچ اویانموسان
.
.
یانا یانه یانمسان حالیمه، بو مزاری ده یانوسان باجی
بالاجا بو سنّیله دهریده رهِ عشقی سن تانوسان باجی
ایله عاشق عاشقه بنزیر، باباما چوخ اوخشاموسان باجی
آتا بی کفن بالا بی کفن بیله یاتموسان هیچ اویانموسان
.
.
باجی سسله منده ایدوم عوض دوشنیم دویونجا ایاقیوه
گهی بوسه ویرام ایاقیوه ،گه الیوه ،گاهی دوداقیوه
بیله فرض ایله که بابام گلیب گینه حرمت ایله قوناقیوه
یارالی دوداقلاری ای اوپن بیله یاتموسان هیچ اویانموسان
.
.
گیدروخ زیارته دور گیداخ، نیه یوخدی دورماقا رغبتین
آناوین گوزی سنی آختارور ، داریخیر اولوب اونا ایش چتین
سن عزیزه سن ایله بیر دعا بو آغیر یولی آنان ئولمسین
سینیخیب دی عمه می چوخ سون بیله یاتموسان هیچ اویانموسان
.
.
منیلن کوسوبسن اگرچه سن بو شکسته گوگلومی آل باریش
بیله رسم دور که چتین زمان الینی دوتار تانشین تانش
یانورام فراقیوه گل دیله بو غریب و بی کسیلن دانش
نه گلیب سنه نیه دینموسن بیله یاتموسان هیچ اویانموسان
.
.
بو صفالی قافله دن دوزوم ندور علتی بیله آلموسان
هامی آغلیور خانم عمه مه اونی درده دهریده سالموسان
آغاریب باشین، گویریب یوزون ، بیله اوچ یاشندا قوجالموسان
نیه دویموسان بو زمانه دن بیله یاتموسان هیچ اویانموسان
.
.
گجه لر گله یوخوما بابام دیرم او گونلره حیف اولا
ساغالا ساغالمیا دل یارام دیرم او گونلره حیف اولا
اگر هر قیزی سنه اوخشادام دیرم او گونلره حیف اولا
بو خرابه ده یوزی گولمین بیله یاتموسان هیچ اویانموسان
.
.
هله اوچ یاشین واریدی باجی آدیوا یازیلدی سنون وفا
آتا باشی اوسته چوخ آغلادون ویرن ای خرابیه چوخ صفا
دور ایاقه یوز یوزه بیر قویاخ گویرن او صورتیوه فدا
گل سوسنه یوزی بنزین بیله یاتموسان هیچ اویانموسان
.
.
وطنه یتشسم اگر باجی سنه دائما سینه داغلارام
یادیما دوشر او شیرین دیلین یوزه سیل اشکیمی باغلارام
گیدرم قوناق خانم عمه مه، بی بیم اوخشیاندا من آغلارام
قوری یرده سسلرم ای ئولن بیله یاتموسان هیچ اویانموسان
.
.
قوجاقیندا بوسه نی ویردین هی یانایانه یاره لی لبلره
واریدی علاقون اورکده چوخ بشیگه، آق اونوگه، اصغره
بابامین مزاری نصیب اولوب سوزون اولسا دی دیوم اکبره
گوزی یولدا قارداشی گوزلین بیله یاتموسان هیچ اویانموسان
.
.
سنی تک قویوب دوشورم یولا دل پاره پاره دن اینجیمه
گلنه بی بیم بورا توختیار ایاقیندا یاره دن اینجیمه
کفنون که یوخدی گچیب گیدیب، کفنون دی قاره دن اینجیمه
دیله گلمه چوخ گونوز ایستی دن بیله یاتموسان هیچ اویانموسان
.
.
باباما قوناخ گیدورم صورا ال اورکده یول سالام علقمه
نکه اوردا بیر یارالی یاتیب گرک عالمه سالام همهمه
ساچمی یولام یانیب آغلیام حرم اهلی تا باتا ماتمه
دیم ای سرین سودان ایچمین بیله یاتموسان هیچ اویانموسان
.
.
اورگینه ” عاذلون” اود ویرار اورگینده کی غم و محنتون
گوزی یاشلی نوکریوم خانم ،منه یاز براتِ زیارتون
سنی عموون جانی دعوت ایت گوروم او دمشق ده جنتون
دیوم اوردا باشدی بهشتدن بیله یاتموسان هیچ اویانموسان
.
.
#کوچ_شام #اقدم_اهری #ترکی #زبدةالاشعار