یابن الحسن زهرا آنان طاهایه مهماندی #فاطمیه_عدلی_تبریزی

در شام غریبان حضرت زهرا علیها سلام
.
✍️ #زبدةالاشعار ✍️
.
🆔: @nohe_torki
.
سبک :: ای غنچۀ نیلوفریم … ویرانه ده نازلی بالام…
.
حاج اصغر فرشچی ( عدلی تبریزی )
.
یابن الحسن زهرا آنان
طاهایه مهماندی
یثربده بیت الوحیده
شام غریباندی
زینب نوا خواندی
.
.
.
باش ساغلیقی ویروخ سنه
حالون پریشاندی
جدّون حسین تک غصه دن
قلبون دولی قاندی
بو شیعه لر ماتم دوتوب
نالان و گریاندی
گویده ملک لرآغلاشور
محشر نمایاندی
.
.
.
.
اَلدن ویروبدی همسرین
مظلوم علی آغلور
کلثومیله زینب بی بون
اوز سینه سین داغلور
گوز یاشینی رخسارینه
حسین حسن باغلور
بیت علی ده بو گجه
عمّن پریشاندی
.
.
.
آغلور دیور مولا علی
گوندوز گونوم باتدی
قویدوم مزاره من اونی
سینه یارا یاتدی
گوز یاشلارین خون دله
بو بش بالا قاتدی
جدّون علی المرتضی
دیلدن نوا خواندی
.
.
.
.
سولدی آنان عمری گلی
آیرولدی سوسندن
اوز گلستانون ترک ایدوب
آیریلدی گلشندن
گلمز سسی بیرده اونون
بو بیتُ الاَحزندن
لاله مثالی تز سولوب
پرپردی خنداندی
.
.
.
.
اود ویردی ثانی باب وحی
شعله چکوب یاندی
بیر ظلم ایدوب دیوار آرا
زهرا یارالاندی
بو اشقیانون ظلمونه
دین اهلی حیراندی
بُغض عدو اولدی عیان
دللر دولی قاندی
.
.
.
.
چخماز داخی بوندان صورا
بیر گلشنه زینب
باخماز چمنده گل چیچک
هم سوسنه زینب
اندوه و غمدن سسلنر
ایوای نه نه زینب
آغوشینه آلماز اونی
زهراسی بی جاندی
.
.
.
.
صاحب عزا سنسن آقا
بو ماتم و غمده
سن ملجاء شاه وگدا
هم برّیده یمده
سن بول آقا زهرا جانی
باش چک اُولن دَمده
«عدلی» اورکدن اودلانور
بو غمده سوزاندی
.
زینب پریشاندی
زینب نوا خواندی
.
.
.
#سبک_ویرانه_ده_نازلو_بالام
.
#فاطمیه_شهادت
#یابن_الحسن_زهرا_آنان
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki