زخم بندی سر امام حسین
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
#سبک_نوایی_نوایی
.
باشیم یاراسین گل باغلا باجی زینب
گوز یاشیوی توکمه ساخلا باجی زینب
.
وورما یوزه لطمه گوداله گلنده
گور نعشیمی باشسیز آغلا باجی زینب
.
میدانی گزنده ای زهره ی ثانیم
ساخلا نظرونده بو عمده نشانیم
آلچاق یئر ایچینده درک ایله مکانیم
معبود آدین اوردا یازمیش یئره قانیم
گور نعشیمی باشسیز آغلا باجی زینب
.
.
ای بضعه ی زهرا بانوی خجسته
جسیم تاپاجاقسان مجروح و شکسته
اوخلاری سینمدن چک دسته بدسته
داشلاری کنار ائت سال آرخامون اوسته
گور نعشیمی باشسیز آغلا باجی زینب
.
.
باشونده مصیبت مندن صورا واردور
باغلانماقا زنجیر اول قوللارا واردور
مقتلده گوررسن آهن پارا واردور
ال وورما الیمه اینجور یارا واردور
گور نعشیمی باشسیز آغلا باجی زینب
.
.
گر شمرون الیندن فرصت اولا پیدا
سسله کومک ائتسون کلثومیله لیلا
انجامه یتیشسون فرمایش زهرا
قالخیز منی یئردن اؤپ حُلقیمی امّا
گور نعشیمی باشسیز آغلا باجی زینب
.
.
باشدان باشا قانلی پیکردن اؤپنده
جهد ایله یواش اؤپ هر یئردن اؤپنده
سینمدی کی داغ اکبردن اؤپنده
دقتله باخ عطشان حنجردن اؤپنده
گور نعشیمی باشسیز آغلا باجی زینب
.
.
دشمن آییراندا قهراً سنی مندن
شامه آپاراندا بو دشت محندن
مقتلده اوتورّام اذان دییرم من
اوندا دالى سمته دون باخ دوه اوستن
گور نعشیمی باشسیز آغلا باجی زینب
.
.
نازلی قیزیمی من آغوشه آلاندا
اعدا سینم اوسته قمچی له ووراندا
اوندان چکرم ال بیر گوز ووروم آندا
ظالملر او طفلی مندن آییراندا
گور نعشیمی باشسیز آغلا باجی زینب
.
.
قاره یئل أسنده عالم قاریشاندا
غارتگر عربلر تل اوستن آشاندا
قزلار سویولاندا خیمم آلیشاندا
بالای جداده باشیم دانیشاندا
گور نعشیمی باشسیز آغلا باجی زینب
.
.
#حسینیه_یحیوی_اردبیلی
#حسینیه_شهادت
#باشیم_یاراسین_گل_باغلا_باجی_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید