بزم عشّاقده پیمانه درخشان اولدی #حسینیه_تائب_تبریزی

حضرت سیدالشهداء (ع) و معنویت او
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
.
بزم عشّاقده پیمانه درخشان اولدی
نور باده یله دل خانه درخشان اولدی
.
تا محبت الی گل لر باشینا چكدی صبا
بوته گل اوینادی گلخانه درخشان اولدی
.
توکدی هر گوزیاشی کیم گریۀ مستانه یوزه
اولدی بیر گوهر یکدانه درخشان اولدی
.
دوتدی تا جام بلورینى الینده ساقی
گون اولوب ذره سی پیمانه درخشان اولدی
.
یتشوب فیض صمد سندی صنم لر یکسر
چخدی قرآن گونی بتخانه درخشان اولدی
.
قدمین قویدی علی کتف رسول اللهه
پارلانوب شهر نبی شانه درخشان اولدی
.
دورۀ تارده – نامرد قبالینده حسین
سالدى بیر طلعت مردانه درخشان اولدی
.
ایله بیر شمع محبتدی حسین ابن علی
اولدی هرکس اونا پروانه درخشان اولدی
.
نور ایمانیدی ایمانیله ایمان اوسته
کربلاده بویانوب قانه درخشان اولدی
.
جوهر عشقیدی عشق اوسته باتوب القانه
دوندی بیر گوهر غلطانه درخشان اولدی
.
نوری یتمیش ایکی تن یکتن او (گوندن) آلدى
سپیلوب صفحۀ میدانه درخشان اولدی
.
ثار ثارالله آخوب کرب و بلا تو پراقینی
دوندروب لعل بدخشانه درخشان اولدی
.
گون کیمی باتدی تجلای جهان پیماسی
دوشدی بو عالم امکانه درخشان اولدی
.
اولدی درویشِ در حضرت زهرا تائب
تاپدی ال طالع رخشانه درخشان اولدی
.
.
.
#حسینیه_تائب_تبریزی
#حسینیه_مدح
#بزم_عشاقده_پیمانه_درخشان_اولدی
#ترکی
.
✍️ #زبدةالاشعار ✍️
.
🆔: @nohe_torki