بزم وصلیده ساقیان غم ویردیلر منه بیر سبو باجی #حسنیه_ثریا_تبریزی

زبانحال امام حسن مجتبی (ع) خطاب به خواهرش
#گریز به #شب_عاشورا
..
..
..
..
مرحوم سید احمد یاسر نجفی(ثریا تبریزی)
..
..
..
..
بزم وصلیده ساقیان غم
ویردیلر منه بیر سبو باجی
واردی نشئه سی نشئه تینیده
کیمسه ایچمیوب بیله سو باجی
..
..
..
..
بوسبو منی ایله مست ایدوب
گوئیا که مست الست ایدوب
گویلومی آلوب می پرست ایدوب
بیر نگار پاکیزه خو باجی
..
..
..
..
هر کیم ایستیه کوی یارینی
طی ایده گرک غم دیارینی
رسمیدور هامی ئوزنگارینی
تاپماز ایتمه سه جستجو باجی
..
..
..
..
لوح دلده جانان محبتین
نقش ایتموشم پوزماقیم چتین
گورموشم ئوزوم شکل صورتین
یوخدورایله بیر ماهرو باجی
..
..
..
..
آتش محبتده یانموشام
هر شکنج عشقه دایانموشام
عالم ازلده دولانموشام
عشق یوللارین کو به کو باجی
..
..
..
..
جدیمون او معراج وحدتی
آرتوروبدی شان نبوتی
اوصیا گوروبلر بو محنتی
کشف اولوبدی سرّ مگو باجی
..
..
..
..
بو سبویه وورجاق دهانیمی
وصل نشئه سی آلدی جانیمی
دولدوروب رگ و استخوانیمی
ایلدی اثر موبمو باجی
..
..
..
..
آچ گوزون اویان گوربو حالیمی
زلفویله سیل اشگ آلیمی
یغ باشیما اهل و عالیمی
بیر گوروم ایدوم گفتگو باجی
..
..
..
..
گریز به شب عاشورا(زبانحال امام حسین (ع) با خواهر)
..
..
..
..
بیرده زینبی شاه کربلا
لیلة الوداع ایلدی ندا
آچ گوزون گورن عرصه ده جفا
ای خزینۀ آبرو باجی
..
..
..
..
دورباجی ایدوم حالیمی بیان
صبح اولاندابو قوم کوفیان
ئولدوره لَّه هم پیر و هم جوان
عکس اولوندی لا تقتلو باجی
..
..
..
..
چون گیده لَّه الدن کمک لریم
آغلاشالّا یکسر حرم لریم
قارداشوندا میداندا خواهریم
گتسه گر قایتماز گرو باجی
..
..
..
..
بوردا تاپموشام فیض محضرین
جلوۀ رخ یار مصدرین
آرزو ایدر شمر خنجرین
مصطفا اؤپن بیر گلو باجی
..
..
..
..
باش آچار باشیم اوسته مصطفا
زلفینى یولار خیرة النسا
ایلمز حیا شمر بی حیا
باشیمی کسر روبرو باجی
..
..
..
..
گورسن آغلاما شمر کینه سین
سندیران زمان حقّ سینه سین
قویما چوخ ووراندا سکینه سین
تازیانه الده عدو باجی
..
..
..
..
سوز بورا یتوب خواهر حسین
توکدی گوزیاشین ایتدی شورشین
سویلدی اونا شاه مشرقین
ایلمه بیله های هو باجی
..
..
..
..
درد و غصّه دن سینه داغلاما
باشیوه هله قاره باغلاما
یولما زلفوى یانما آغلاما
ایلمه خراشیده رو باجی
..
..
..
..
قوللارون طناب عداوته
گئچسه ویرمه تغییر حالته
گلمه هیچ مقام شکایته
اولسا معبرون چارسو باجی
..
..
..
..
اوندا آغلا گوردون که بیر بدن
اوچ گون اوچ گجه قالدی بی کفن
سو تاپولماسا گوز یاشونلا سن
غسلیمی ویر ایت شست و شو باجی
..
..
..
..
حشرده بوشاعر جماعتین
جمع ایده لَّه ویرسونله قیمتین
ایلرم «ثریا» شفاعتین
شرطى وار اولا راستگو باجی
..
..
..
..
#حسنیه_شهادت #حسنیه #ثریا_تبریزی #ترکی #زبدةالاشعار