ئوزون بولورسن آنا مال و ملکدن دورم #تنور_خولی_آصف_تبریزی

تنور خولی
.
.
مرحوم آصف تبریزی
.
.
ئوزون بولورسن آنا مال و ملکدن دورم
منی بَغیشلَه گِلَن خدمتونده معذورم
.
تالانمیشام خجلم یوخ بیر آیری پای انداز
اگر قبول ایده سن بیر بو باشه مقدورم
.
گلوب صفا گتوروب چوخ مشرف ایلموسن
بو لطف و مرحمتوندن زیاده مسرورم
.
صفای خاطر ایچون گلمیسن عدو ایوینه
عیان اولور نقدر خاطرونده منظورم
.
عجب مقامده سروقتیمه یتشدون آنا
یوزوم کول اوسته بو مطبخ سراده مستورم
.
گوروم بوخولی بی دین یتشمه سین کامه
منی عیالیمه حسرت قویوبدی مهجورم
.
تنور ایچینده یریم خوشدی راحتم بوگجه
گونوز اوقدر منه ظلم ایدوبله رنجورم
.
صباح ابن زیادین جفاسی ختم اولور
گیدینجه شامه طرف نیزه لرده مشهورم
.
ئوز اختیاریمیله گتمرم گلستانه
نیدیم که دشمن بی رحم الینده مجبورم
.
مخالف امرینَه ترک حجاز ایدوب ره راست
عراق دشتینه گلدیم که بیله سرشورم
.
آچیلدی زنگ شتر دوشدی نینواده قطار
او گون کی گوندن حصار غم ایچره محصورم
.
گون ایسّی سینده سوسوز گرچه سو دیوب یاندیم
دیمم او سوز و گدازیله نشئه دن دورم
.
یزید مجلسینه مست اولوب گیدوب چوخلار
می محبّتیله منده مست و مخمورم
.
گرک گیدم یولومی مجلس اهلی گوزلمه سین
دالیمجا نامۀ دعوت یازوبلا محضورم
.
اگرچه آصفم ای کربلا سلیمانی
الیمده پای ملخ درگهونده بیر مورم
.
عنایت ایله منی ایتمه لطفدن نومید
یوزوم قرا الى بوش یول اوزاق ئوزوم دورم
.
.
#تنور_خولی #آصف_تبریزی #ترکی #زبدةالاشعار #شام_غریبان