بو خرابه ده وطن ایلمه گؤزون آچ اویان باجی دور گئدک #کوچ_شام #نخستین

کوچ از شام
سوال و جواب
سوال:
#بو_خرابه_ده_وطن_ایلمه_گوزون_آچ_اویان_باجی_دور_گئدک
جواب:
#باجی_بو_خرابه_ده_نی_کیمی_ایلمه_نوا_گئده_بیلمرم
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من …
.
مرحوم نخستین اردبیلی
.
.
بو خرابه ده وطن ایلمه
گؤزون آچ اویان باجی دور گئدک
هانی من کیمین بو خرابه ده
اودووا یانان باجی دور گئدک
.
.
عوض ایلیوم قره معجرون
سنه بیر دویونجا غذا وئریم
قره زلفوون توزونی یووم
او شکسته قلبه صفا وئریم
قولوون طناب یرین ئوپوم
نچه دردون اولسا دوا وئریم
إئله دی بو درد و غمون سنون
قدیمی کمان باجیدور گئدک
.
.
هانی بس او مهر و محبتون
باجووام منیله اویان دانش
قره توپراق آلتدا یاتوب منیم
گؤزومی یولوندا قویان دانش
اًگیلن قدی غم و غصّه دن
ستمیله جانه دویان دانش
داخی غم قطارینه یوخ یولی
گله ساربان باجی دور گئدک
.
.
.
باجی دردوی چکه بیلمورم
دل داغداریمی داغلارام
قسم اکبرون قره خالینه
ایاقون یاراسینی باغلارام
یووارام او یاره لرین یرین
قویارام یوزوم ئوپوب آغلارام
ایاقون یاراسی ساغالماسا
منه وئر نشان باجی دور گئدک
.
.
.
دو گئدک منیله خرابه دن
بو بلا سپاهی گیدن یره
هله گئتمیوک وطنه گئدک
قوشون اشتباهی گئدن یره
پوزولان ستاره لری گئدور
بابامون او ماهی گیدن یره
بیزه منتظر دی بو شامیدن
گئده کاروان باجی دور گئدک
.
.
.
بیلوسن عروسم عزیزه ام
منی حجله گاهیمه سال یولا
طوی اتاقینه گئدنون باجی
باجیسی یانیندا گرک اولا
باشینا نوقول سپه نازیله
گئچه گه صاقا گئچه گه صولا
منه مهربان باجیسان منیم
ایویمی یخان باجی دور گئدک
.
.
دی گؤروم نه ایلمیشم سنه
نیه طوى اطاقیمه گئتموسن
باجی گوشواره می آلمیشام
سالاسان قولاقیمه گئتموسن
دور ایاقه غنچه دوداقی قوی
سارالان دوداقیمه گئتموسن
یوزی گولمین گؤزی آغلیان
گئجه آج یاتان باجی دور گئدک
.
.
باجلیق علاقه سی بیر یانا
سنه منده آیری علاقه وار
بئله عاشقم که بو عشقیده
دوتوب اود یانان ئوره گیم یانار
بو کمند عشقیدن آچ منی
گئدوسن هارا منیده آپار
منی یاندیرار ئوره گیمده کی
بوغم نهان باجی دور گئدک
.
.
گئجه گوندوزی بوخرابه ده
سنه من علاقه می سالمشام
نجه سندن آیریلوم ایندی من
سنیله خرابه ده قالمشام
گوگرن یوزوندن ئوپوب سنی
گئجه لر قوجاقیمه آلمشام
ندی راه چاره نه چاره وار
منی تک قویان باجی دور گئدک
.
.
نچه گوندی شامیده شام اولوب
گونوزون سنون گونوزوم منیم
سارالوبدی درد فراقیدن
گول اوزون سنون گول اوزوم منیم
ئوره گونده قالدی سؤزون سنون
ئوره گیمده قالدی سؤزوم منیم
بابامون گلنده کسوک باشی
باشینی یولان باجی دور گئدک
.
.
.
.
#کوچ_شام #نخستین
#بو_خرابه_ده_وطن_ایلمه_گوزون_آچ_اویان_باجی_دور_گئدک
#ترکی
.
✍️ #زبدةالاشعار ✍️
.
🆔: @nohe_torki