الیم اولیدی عمو جان سنه حمایت ائدیدیم

زبانحال حضرت عبداله ابن الحسن با امام حسین (ع)
.
✍️ زبدة الاشعار ✍️

?: @nohe_torki
.
شاعر ؟؟؟
.
الیم اولیدی عمو جان سنه حمایت ائدیدیم
قلج گَلَنده قباقوندا دفع ضربت ائدیدیم
.
الیم اوزولدی بدندن کَسَلَّه باشیمی ، شادم
یولوندا وئرماقا مین جان اولیدی خدمت ائدیدیم
.
یتیشمرم آناما خیمیه گئدونجه من ئوللم
اجل گلیدی قوجاقوندا رفع زحمت ائدیدیم
.
آنام بتول یاننجا دوشوب قیامت اولونجا
او اوخشیوب سنی من آغلیوب قیامت ائدیدیم
.
گلنده محشره دیوان عدل حق قورولاندا
اَلَه سالوب یخه سین قاتلون شکایت ائدیدیم
.
علیِّ اصغر الینده الیم حضوره گئدیدیم
سنه عزا دوتان اُمَّت لره شفاعت ائدیدیم
.
بو حسرتیم قالی گوگلومده جان وئرنده رقیَّه
گئدوب خرابیه دفن ائتماقندا شرکت ائدیدیم
.
ووراندا سیلی عروسین یوزونه شمر ستمگر
شکنج سیلیِ شمری قبولِ صورت ائدیدیم
.
قویاندا توپراقا شامون خرابه سینده عُذارین
او حبس خانه ده بیماریله عیادت ائدیدیم
.
چوخ ایسترم قولی باغلی دیار شامه گئدیدیم
گلنده قبریوی عمَّم کیمی زیارت ائدیدیم
.
.
#عبداله_الحسن
#الیم_اولیدی_عمو_جان_سنه_حمایت_ائدیدیم
#لاادری
#ترکی
.
✍️ #زبدةالاشعار✍️

?: @nohe_torki