اربعین
..
..
..
..
مرحوم تائب تبریزی
..
..
..
..
بو سفرده من حسین تسخیر افکار ایلدیم
یاتمادیم غافل یاتان دنیانی بیدار ایلدیم
..
..
..
..
سن یخلدون اوندا که باشدا نچه ممتازلر
باش ویرن سربازلر جاندان گچن جانبازلر
من قیام ایتدیم باشمدا بیر نچه همرازلر
راه دینی رهروان دینه هموار ایلدیم
..
..
..
..
قویمادیم خونین قیام پاکون ارزشدن دوشه
جنب وجوش مذهبی خاموش اولا ایشدن دوشه
نهضت قرآن و دینین چرخی گردشدن دوشه
کفریله احیای دین اوستونده پیکار ایلدیم
..
..
..
..
تاپماقا شاماته ال سالدیم گوزل فرصت اله
بیر جماعت باشه یغدیم اهل همت یکدله
تا نه جماعت اوغلی قارداشى الن بیر قافله
شامی آلدیم اوردا هر مدهوشی هشیار ایلدیم
..
..
..
..
کوفه ده باشون جدا استونده قرآن باشلادی
تا سسون گلدی نوا جمع پریشان باشلادی
زینبونده محمل ایچره نطق رخشان باشلادی
مرتضا لحنینده بیر نطق گهربار ایلدیم
..
..
..
..
ایتماقا صحبت من آچدیم تا لسان زینبی
مو بمو خلقه دیدیم بی پرده اصل مطلبی
ایلدیم رسوا یزید ظالم بد مذهبی
نفع دینه شوریله کوبنده گفتار ایلدیم
..
..
..
..
جامعه مبهوت بو رفتار و گفتار اولدولار
آتدیلار غفلتلری بالمرّه هشیار اولدولار
بولدولرحقّی یاتانلار جمله بیدار اولدولار
سن سُوَن تک واقعاً احیای افکار ایلدیم
..
..
..
..
مجلسینده ابن مرجانه دانشدی بی حساب
دوزمدیم ویردیم اونا فی الفور مجلسده جواب
ایلینده حمله منده حمله قیلدیم با شتاب
سندیروب اوز مجلسینده من اونی خوار ایلدیم
..
..
..
..
ایستدی سجادی مقتول ایلسون ابن زیاد
دوزمدیم مجلسده سالدیم انقلاب ای مرد راد
قزلاروندا همصدا اولدی یاراتدوخ اتحاد
قزلارونلا منع امر قتل بیمار ایلدیم
..
..
..
..
ماهی دریا نجه خوشلار سو ویردیقجا فشار
منده ایله درد و غم سخدیقجا اولدوم پایدار
هر فشاره دین یولوندا دوزدوم ایتدیم افتخار
گرچه خوناب دلیله قلبی سرشار ایلدیم
چولقادی داغ داشلاری هر یان نوای زینبی
سینه ده عشق حسین باشدا هوای زینبی
وقریله وارد اولوب شامه قوای زینبی
سیر شاماتیمده اقدام سزاوار ایلدیم
..
..
..
..
قوردی بیر مجلس یزید اطرافده اهل فرنگ
ایستدی توهین ایده قرآنه اول بی نام و ننگ
منده وردوم اوردا فورأ آیه قرآنه چنگ
ذکر آیات کتاب حیّ قهار ایلدیم
..
..
..
..
سن اویاندا باشلادون قرآن سر مذبوحیله
ایلدون ظلم آیه سین عنوان لب مجروحیله
من بویاندا باشلادیم سوز شیوۀ پر روحیله
نطق شورانگیزیله حقّون پدیدار ایلدیم
..
..
..
..
صبحتیمده حقّیوی خلقه یتوردوم مو بمو
بیر به بیرسایدیم جنایات یزیدی روبرو
قویمادیم رسوا زده سفیانیاندا آبرو
مفتضح هند اوغلون ای سلطان ابرار ایلدیم
..
..
..
..
اؤز اؤزون ایله ایتیردی دشمن بیغیرتون
ایلدی اقرار اؤزی تثبیت موجودیّتون
گون کیمی اولدی نمایان عالمه شخصیّتون
خانۀ ایمانی روشن کفر ایوین تار ایلدیم
..
..
..
..
ایله پوزدوم بیرده مشگل مجلسین قورسون یزید
اوز غرور و صحبتیندن بیرده دم وورسون یزید
ایله یخدیم اوز یریندن چوخ چتین دورسون یزید
من یزید آسان لارین عالمده دشوار ایلدیم
..
..
..
..
دفن قیلدیم شامده دین گوهر شهوارینی
بیر رقیّه آدلی قز دلداده لر دلدارینی
نوری روشن ایلیوب شامین فضای تارینی
من اونون خوردا مزارین کوی دلدار ایلدیم
..
..
..
..
من اونی چوخ ایسترم مشگل آدین دلدن سالام
او منیم روحیمدى یثربده چتین اونسیز قالام
واردی چوخ دردی گرک شامه گیدوب دردین آلام
آیریلاندا بو سوزی قبر اوسته اقرار ایلدیم
..
..
..
..
اللی یدّی ایلدی بو تائب گلوب درباریوه
قورتولور عمری گلنموب یاحسین دیداریوه
ئولمسه ایسته اونی قات کربلا زوارینه
سویلسون صد شکر اوزیمی جزء زوار ایلدیم
..
..
..
..
#اربعین #تائب_تبریزی #ترکی #زبدةالاشعار
نظر دهید