زبدةالاشعار

بو گونون مثلینده دینه راه بدعت آچدیلار #فاطمیه #تائب_تبریزی

شورای سقیفه

#گریز  #خرابه_شام
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
بو گونون مثلینده دینه راه بدعت آچدیلار
باب حقّى باغلیوب باب ضلالت آچدیلار
.
.
بو جهانی ترک ایدن گون حضرت ختمی مآب
ایتدیلر شورا فساده بیر نچه خانه خراب
اوردا طرح اولدی همین کیفیت کشف حجاب
نصّ معنای حجابه شرح صورت آچدیلار
.
.
جمع اولوب اهل سقیفه قوردیلار بیر انجمن
قول چکیلدی نقض عهده اولدیلار پیمان شکن
مزرع اسلامه اوردا سپدیلر تخم فتن
بیچماقا محصولینی دست عداوت آچدیلار
.
.
قوردولار مجلس خطا بیر رأی تحصیل ایتدیلر
نقص جهلی مجلس شوراده تکمیل ایتدیلر
جهلیله کابینۀ اسلامی تعطیل ایتدیلر
عدل دیوانین پوزوب دارالجنایت آچدیلار
.
.
دو تدیلار دنیانی مذهبدن کناره چیخدیلار
آتش افروزان کفر آل خلیلی سخدیلار
پشت پا دینه ووروب شرعین بناسین یخدیلار
دین آدیله پرچم ضد شریعت آچدیلار
.
.
بادۂ کفریله بسکه اولدیلار مدهوش و مست
ساندیلار دنیایه دینی اولدیلار دنیا پرست
سالدیلار بیر رخنه کاخ مذهبه اولدی شکست
مسلمینه تا جهان وار راه ذلت آچدیلار
.
.
قوردیلار اول گون که کفرین مجلس شوراسینی
سالدیلار دیرینه کینین صورته معناسینی
یازدیلار اون بیر امامین قتلینین فتواسینی
عترت پیغمبره باب مصیبت آچیلار
.
.
اهل کین سیندیردی صهبای وفا پیمانه سین
اود ووروب یاندیردیلار شیر خدا کاشانه سین
پشت درده سخدیلار پیغمبرین ریحانه سین
عصمت کبرایه ال اهل شقاوت آچدیلار
.
.
ووردی بیر صدمه فشار در بتولین جانینه
یتدی بیر کاری جراحت سینۀ سوزانینه
محسنی سقط اولدی ظلمیله بویاندى قانینه
دار دنیادن بتوله راه رحلت آچدیلار
.
.
ظلمه هر ساعتده بیر تشکیل تازه قوردیلار
باد ظلمیله گل پیغمبری سولدوردیلار
گه بتوله تازیانه گاه سیلی ووردیلار
غصب ایدوب حقّین یوزینه باب عسرت آچدیلار
.
.
قویدولار بیر اوخ کمانه اشقیا شورا گونی
اولدی جاگیر هدف بو تیر #عاشورا_گونی
اسمی عاشورا حقیقت محشر کبرا گونی
درس آلوب اوردان حسینه دست جرأت آچدیلار
.
.
بوردا بیر مجلس بناسی فرقۀ دون ایتدیلر
کربلاده اکبری آغشتۀ خون ایتدیلر
فرقتینده بینوا لیلانی مجنون ایتدیلر
لیلیه راه جنون قوم رذالت آچدیلار
.
.
گر دیسم باجادی بو مجلسده بیر رأی آلدیلار
کربلاده حضرت عباسی آتدان سالدیلار
سو دیرب یاندی سویا اطفال حسرت قالدیلار
بیر بیره قزلار زبان استعانت آچیلار
.
.
ایتدیلر تصویب بوردا فرقۀ بیدادگر
کربلا دشتینده اوخلاندی سوسوز بیر سود امر
اللری بیکس آناسی سینه ده قالدى ملر
تیریله سوتدن اونی اهل جهالت آچدیلار
.
.
یازدیلار برنامه بو مجسده اشرار عنید
کربلاده قویدیلار اجرایه اتباع یزید
سو کنارینده حسینی ایتدیلر تشنه شهید
اهل بیتین سویماقا ال اهل غارت آچدیلار
.
.
قوردی بیر مجلس بو یرده قوم بی شرم و حیا
کربلاده اولدی زینب دستگیر اشقیا
یاتدی ویران شامده ویرانه ده آل عبا
شام لفظیله بیوک طومار محنت آچدیلار
.
.
#گریز  #خرابه_شام #حضرت_رقیه_شهادت
.
.
بیر رقیّه آدلی قر شیرین زبان شیرین سخن
آغلادی ایتدی خرابه گوشه سین بیت الحزن
دوشدی دلدن ویردی جان قالدی حسین تک بیکفن
باشی اوسته باشلارین آل رسالت آچدیلار
.
.
جان ویرینجه بو بالا گوزلردی اكبر قارداشین
بیر او شور عشقیله سالمیشدی غوغایه باشین
دلده اکبر آدی رخساره توکردی گوز یاشین
کُنج غربتده اونا باب ریاضت آچدیلار
.
.
دشمن آغلاتدی او طفلی اوزلرین گولدوردیلر
ظلم بی پایان لارین آفاقده بولدوردیلر
ئولمدی اول نازنین قز ووردیلار ئولدوردیلر
ظلم الین بسکه اونا ساعت به ساعت آچدیلار
.
.
تا خموش اولدی او بلبل یاسلی گل لر سولدولار
ابر نیسان تک همین ساعتده گوزلر دولدولار
بیر بیره دگدی خانملار، خردالار ساچ یولدولار
مجلسه شور قیامتدن علامت آچدیلار
.
.
آلدیلار نعشین آرایه باجیلار عمّه آنا
داغلی دللر داغلانوب لاله کیمی دوندی قانا
وای رقیّه ناله سی پخش اولدی دوشدی هر یانا
شامده دارالعزا اهل ولایت آچدیلار
.
.
نه عزاخانه مشام جان آلور بوی وفا
نه عزاخانه سنق قلبه ویرور رنگ صفا
نه عزاخانه مریضه اوردا وار کلی شفا
بیر مطب اوردا بدون وقت و نوبت آچدیلار
.
.
ای گوزل آدی رقیّه بانوی مهد وفا
تائبم قلبیم سنقدور ایسترم سندن صفا
بیر مریضیم وار جواندور ایستوری سندن شفا
مدفنون تک هاردا بیر دارالطبابت آچیلار
.
.
نوحه یاز تائب حسینه گل فغان و شیونه
گوهر اشگون نثار ایت درج گوزدن دامنه
حضرت زهرا اوزی محشرده لطف ایلر سنه
اوندا که پرچم به عنوان شفاعت آچدیلار
.
.
.
.
#فاطمیه #تائب_تبریزی
#فاطمیه_شهادت #پیامبراسلام_شهادت
#بو_گونون_مثلینده_دینه_راه_بدعت_آچدیلار
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی