دار بقایه اشک فشان گئتدی فاطمه #فاطمیه_انور_اردبیلی

در مصیبت حضرت زهرا (س)
.
✍️ زبدة الاشعار ✍️
.
🆔: @nohe_torki
.
مرحوم #انور_اردبیلی
.
قلب جهانی داغلاماقا گلمیشوق بوگون
موج غمی قوجاقلاماقا گلمیشوق بوگون
زهرا ئولوب آچوب قاپوسین شاه لافتی
اولموب گلن بیز آغلاماقا گلمیشوق بوگون
.
.
تیر غمی نه علته بیز قلبه ساچمیاق
بزم عزایه اللری قوینوندا قاچمیاق
عرضیم بودور حضوروزه آی نوحه خوانلر
انصافدور حسین باش آچا بیز باش آچمیاق؟
.
.
دار بقایه اشک فشان گئتدی فاطمه
غنچه کیمی اورک دولی قان گئتدی فاطمه
.
.
سیلی یرین عم اوغلوسنا وئرمدی نشان
پهلو شکسته قدّی کمان گئتدی فاطمه
.
.
غمخانه اولدی یثرب آرا خانۀ علی
نورین آپاردی قبر ائوینه صورت جلی
دریای محنته اؤزی بیر موجدی ولی
دردی اؤرکده موج زنان گئتدی فاطمه
.
.
عالم عزیزه سین غم عالم ائدوب اسیر
ظلمون کمانی قلبینه ظلمیله آتدی تیر
پیغمبرون فراقی اونی ایلمیشدی پیر
سنّی ولی آزیدی جوان گئتدی فاطمه
.
.
لیل اجل گلوب بُؤرؤدی عمر مطلعین
شیرین حیاتیدن یورولوب کسدی تئز الین
نه قز کُچؤرتدی نه ائوینه گَتدی بیر گلین
قویدی بالالارین نگران گئتدی فاطمه
.
.
#فاطمیه_شهادت
#قلب_جهانی_داغلاماقا_گلمیشوق_بو_گون
#تیر_غمی_نه_علته_بیز_قلبه_ساچمیاق
#دار_بقایه_اشک_فشان_گئتدی_فاطمه
#انور_اردبیلی
#مردان_جاوید_انور
#ترکی
.
✍️ #زبدةالاشعار ✍️
.
🆔: @nohe_torki