انصافدور حریم حرم محترملری #حسینیه_دخیل

#انصافدور
از
مرحوم #دخیل
#انصافدور_حریم_حرم_محترملری
.
#ذهنی_زاده
#انصافدور_که_فاطمیه_مهر_اولان_فرات
.
حاج #مجید_امینی تبریزی
#انصافدور_حسین_کیمی_شاه_عظام_اولا
در موضوع #فرات #غارت_خیام #حسینیه_شهادت #قتلگاه
.
.
✍️ #زبدةالاشعار ✍️
.
🆔: @nohe_torki
.
✔️ #دخیل
.
انصافدور حریم حرم محترملری
نامحرمان آرا بئله بی احترام اولا
.
انصافدور که ایستیه لر بیر قیزی کنیز
امّا کنیزی حوری دارالسلام اولا
.
انصافدور که آغلاماقا فرصت اولمیا
بیر باجیه که قارداشی فخر الانام اولا
.
آباسی انبیاء و رسل، جدّی مصطفی
والد علی و والده امّ الکرام اولا
.
انصافدور که قتل حسین بن فاطمه
بدر و احد ئولنلرینه انتقام اولا
.
انصافدور که رأس سلیمان کربلا
تحفه گئدوب شمامۀ سلطان شام اولا
.
انصافدور یزیده وئرنده سلام امام
سبّ ایلماق امامی جواب سلام اولا
.
انصافدور که لعل لبه خیزران دگه
بیر لعل لب که مصحف او لعله کلام اولا
.
انصافدور که گوهر دندان شاه دین
بی قدر اولوب شکسته ی هندی حُسام اولا
.
خلوتگه حریم حرم ، شُرب مجلسی
بزم قمار زین العبایه مقام اولا
.
انصافدور قباقدا قویا کاسه ی سرین
بیر الده خیزران او بیری الده جام اولا
.
یا صاحب الزمان «دخیلم» شتاب قیل
گر وقت اولوب بو ظلملره اختتام اولا
.
✍️ #زبدةالاشعار ✍️
.
🆔: @nohe_torki