دنیا گییندی قاره یکسر حسینه خاطر #ورود_محرم_سیفی_اردبیلی

منزلت ماه محرم الحرام
و تعزیه داری به سالار شهیدان
..
..
#سبک_احوالیمیز_یاماندی … 10 سبک
..
..
..
سیفی اردبیلی
..
..
..
دنیا گییندی قاره یکسر حسینه خاطر
قان آغلاییر بو آیدا گوزلر حسینه خاطر
..
..
..
بو دهه ی محرّم ایّام غم فزادی
هر شهر و هر دیار اسلامیده عزادی
ویر سینه سسله مولا فرض ایله کربلادی
اولسون عیان بو یئرده محشر حسینه خاطر
..
..
..
ای قاره پوش اولانلار جان یاحسین دیین لر
یوخلار ادب مقام مولاده یاخچی نوکر
الآن گلیب عزایه زهراده قاره معجر
یاندیم دییر او غملی مادر حسینه خاطر
..
..
..
ایله وضو گلنده بو بزم ارج داره
پاکیزه لیکده گلسون نو کرلیگون عیاره
حرمت یتور وضوسی القان اولان نگاره
قوی صدق عشقون اولسون اظهر حسینه خاطر
..
..
..
گر صاحبِ خطا سن آلوده دامه نون وار
گئی قاره گل بو بزمه دردوندواسین آختار
لقمانِ کل عالم مظلوم حسینه یالوار
گئچسین خطالروندان داور حسینه خاطر
..
..
..
گر غصه وار دیلونده باشون دوشوب بلایه
یا واردی بیر مریضین عاجز قالوب دوایه
گل بورد ا نسخه یازدیر سقّایِ نینوایه
بیماری فوراً ائتسین بهتر حسینه خاطر
..
..
..
ایتمه بو آستاندا حاشا دمى تعلّل
هر ایش که خیره اولسا جایز دَگُل تَفَعُّل
(گر طالب دواسن) صدقیله قیل توسّل
ایله دعا بلانی قیتر حسینه خاطر
..
..
..
امّاره نفسه أویما بیر جسم من امانت
آخر آلار بو جسمی آغوشه خاک ذلت
دوشسون فشار قبره روحون گورر مرارت
اولماز او یرده بیر کس یاور حسینه خاطر
..
..
..
اما گر اولماسون سن شیطان نفسه بنده
دوز سسله سون حسینی هر مجلسه گئدنده
اوّل گئجه لَحَدده سندن سئوال ایدنده
جسمون اؤپرر نکیر و منکر حسینه خاطر
..
..
..
گر واردی عشقِ پاکون آچ دیده ی بصیرت
دلده حسینی سسله تاپ روحِ معنویت
حاکمدی بو عزاده باخ گور نیجه قیامت
محراب اوخور سیزیلدار منبر حسینه خاطر
..
..
..
قان آغلایوب مَلک لر کرب و بلا غمیندن
جبریل ئوپوب حسینین پاکیزه مقدَمیندن
سنده هایاندا گورسون ئوپ قاره پرچَمیندن
ساخلا اونو گوز اوسته سرور حسینه خاطر
..
..
..
گلدی دیارِ عشقه سلطانِ رادمردان
جانانه تُحفه گتدی یتمیش وفالی قربان
یوخ گوردی سوائدیبدیر طفلانِ عشقه اعلان
یانسون سوسوزلوقوندانلب لرحسینه خاطر
..
..
..
صحرای نینواده فوزاندی شورو غوغا
مردان حق باتوبدور القاننه سراپا
غم دیزلرین قوجاقلار سویلر حیالی لیلا
سنگرده حجله قوردی اکبر حسینه خاطر
..
..
..
حیران ائدیب حسینون ایثاری انبیانی
گوردی بله شدی قانه اکبر کیمی جوانی
گوندردی تز دالیجا دلبندِ مُجتبانی
قاسم بوغازین اوپدی خنجر حسینه خاطر
..
..
..
کوی مراده چاتدی دامادلار سمندی
طویدا عروس اطاقی القانیلن بزندی
گوزیاشی اولدی بزم عشقون نبات و قندی
سالدی گَلینده قاره معجر حسینه خاطر
..
..
..
گلزار عشقه اوچدی مرغان پر گشاده
سلطان دینی گوردی یالقوز قالوب مناده
زینب ایکی بالاسین گوندردی تز جهاده
اولسون دیدی بو گللر پرپر حسینه خاطر
..
..
..
قیزلار یانوب عطشدن سسلردی دمبدم سو
عبّاس او شیرِ مردان مردافکنِ وفاجو
نهرِ فراته گلدی سو آلدی ویردی بازو
دوشسون دیدی تُرابه اللَر حسینه خاطر
..
..
..
ایش دوندی لحظه لحظه ظلم اولدی وحشت آور
میداندا قالدی تنها دلدادۀ پیمبر
هل من دیدی صداسین مخیمده آلدی اصغر
گهواره سنده چالدی شهیر حسینه خاطر
..
..
..
آلدی گولون قوجاقه همّت لی باغبانی
بازارِ عشقه گتدی کالای پُر بهانی
پیکانِ ظلمین اولدی دلسیز بالا نیشانی
اوچ شعبه تیری امدی اصغرحسینه خاطر
..
..
قانی او شیر خوارون زینت ویروب کتابه
تقریز عشقی یازدی دیوان انقلابه
قونداقی سنگریندن گلدی ملر ربابه
قالسون دیدی امکسیز دوشلر حسینه خاطر
..
..
..
حاصل سبوی عُمر سلطان دین جالاندی
اوخ دگدی قلب پاکی مقتلده پارچالاندی
زینب قالوب کمکسز دوشدی اودا تالاندی
نیلک دیدى آغارسون زلفلر حسینه خاطر
..
..
..
برباد اولوب حسینون جبریله دودمانی
صیاد اسیری اولدی دلخسته آهوانی
زنجیره چکدی اعدا بیمار کربلانی
سجّاده منزل اولدی چوللرحسینه خاطر
..
..
..
الله نجه یازوم من ویرانه محنتیندن
سولدی او یرده دوشدی گللر طراوتیندن
زینب دیردی یاندیم دشمن شمادتیندن
سوزدی رقیه مثلی اختر حسینه خاطر
..
..
..
چون گوردی باندی زینب سوسو ووران ستاره
اولدوم دیدی الهی شرمنده بختی قاره
بو قاره گوز مارالی کیمدور قویان مزاره
من بوندان أوتری چکدیم غملر حسینه خاطر
..
..
..
ناگه دوروب یریندن زینب او غم نشانی
بیرصاق صولا دولاندی الدن گیدوب توانی
گوز یاشلی سسلنوبدور امداده مرتضانی
شاید دوتا الیندن حیدر حسینه خاطر
..
..
..
عرض ایتدی ای بو چرخون سالار و مقتداسی
چوللرده دوشدی جاندان قارداشیمون بالاسی
سن بیل آنام بتولون گیزلین قالان یاراسی
بیر آغ کفن بو طفله گوندر حسینه خاطر
..
..
..
#ورود_محرم #سیفی_اردبیلی #ترکی
#دنیا_گییندی_قاره_یکسر_حسینه_خاطر
#زبدةالاشعار