قورولوب عالم آرا بزم عزاسی آقامون #ورود_محرم_رمضانی_خاکی

ورود ماه محرم
.
✍️ #زبدةالاشعار ✍️
.
🆔: @nohe_torki
.
رمضانی (خاکی)
.
قورولوب عالم آرا بزم عزاسی آقامون
دوشدی یاده گنه ده کرب و بلاسی آقامون
.
اوجالوب صوت عزا اوج ائلیور افلاکه
چکیلوب عالمِ امکانه عزاسی آقامون
.
قاره پرچم گنه ده سایه سالوب باشیمیزه
تیترییور باملر اوستونده لواسی آقامون
.
گلمیسوز یاسه تسلی وئره سوز فاطمیه
اگلشوبدی قاپی آغزیندا آناسی آقامون
.
حاجی عشق گیوب جامۀ احرامی بو آی
گودی مقتل اولوب کوهِ مناسی آقامون
.
ذبح ائدن لحظه ده قربانه وئرله سو ، ولی
کسدی عطشان باشینی شمر دَغاسی آقامون
.
سویوب عریان ائلمیشدی بدنین یاغی لر
گون ائوینده یوخودی تنده لباسی آقامون
.
غصه دن واردی یری قانه دونه گوز یاشیمیز
قانه باتدی الی اوستونده بالاسی آقامون
.
اوچ پر اوخ پارچالیاندا علی اصغر بوغازین
بار غمدن بوکولوب قدِ رساسی آقامون
.
اولمادی بیر نفر آلسین بالا نعشین آتادان
قانه باتمیشدی فرات اوسته اخاسی آقامون
.
دوتدی قانین بالانون سپدی سماواته حسین
مشتریدی او قانا عرش خداسی آقامون
.
آچدی غمدن باشینی خیمده بیچاره رباب
دوندی بیت الحزنه خیمه سراسی آقامون
.
اوزووه فخر ائله «خاکی» نقدر وار نفسون
باشدی شاهدان ایکی دنیاده گداسی آقامون
.
.
#قورولوب_عالم_آرا_بزم_عزاسی_آقامون
#ترکی
.
✍️ #زبدةالاشعار ✍️
.
🆔: @nohe_torki