ورود ماه محرم
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
سیفی اردبیلی
.
دنیا گییندی قاره ، یکسر حسینه خاطر
قان آغلاییر بو آیدا ، گوزلر حسینه خاطر
.
.
بو دهه ی محرّم ، ایّام غم فزادی
هر شهر و هر دیار ، اسلامیده عزادی
ویر سینه سسله مولا، فرض ایله کربلادی
اولسون عیان بو یئرده، محشر حسینه خاطر
.
.
ای قاره پوش اولانلار، جان یاحسین دیین لر
یوخلار ادب مقام مولاده یاخچی نوکر
الآن گلیب عزایه ، زهراده قاره معجر
یاندیم دییر او غملی، مادر حسینه خاطر
.
.
گر واردی عشقِ پاکون، آچ دیده ی بصیرت
دلده حسینی سسله ،تاپ روحِ معنویت
حاکیمدی بو عزاده، باخ گوز نیجه قیامت
محراب اوخور سیزیلدار، منبر حسینه خاطر
.
.
قان آغلایوب مَلک لر، کرب و بلا غمیندن
جبریل ئوپوب حسینین ، پاکیزه مقدَمیندن
سنده هایاندا گورسون، ئوپ قاره پرچَمیندن
ساخلا اونو گوز اوسته، سرور حسینه خاطر
.
.
گلدی دیارِ عشقه ، سلطانِ رادمردان
جانانه تُحفه گتدی، یتمیش وفالی قربان
یوخ گوردی سوائدیبدیر، طفلانِ عشقه اعلان
یانسون سوسوزلوقوندان،لب لرحسینه خاطر
.
.
حیران ائدیب حسینین ، ایثاری انبیانی
گوردی بله شدی قانه ، اکبر کیمی جوانی
گوند ردی تز دالیجا ، دلبندِ مُجتبانی
قاسم بوغازین اوپدی، خنجر حسینه خاطر
.
.
قیزلار یانوب عطشده ن، سسلردی دمبدم سو
عبّاس او شیرِ مردان ، مردافکنِ وفاجو
نهرِ فراته گلدی، سو آلدی ویردی بازو
دوشسون دیدی تُرابه ، اللَر حسینه خاطر
.
.
آلدی گولون قوجاقه، همّت لی باغبانی
بازارِ عشقه گتدی ، کالای پُر بهانی
پیکانِ ظلمین اولدی ، دلسیز بالا نیشانی
اوچ شعبه تیری امدی، اصغرحسینه خاطر
.
.
گر صاحبِ خطا سن ، آلوده دامه نون وار
گئی قاره گل بو بزمه، دردوندواسین آختار
لقمانِ کل عالم، مظلوم حسینه یالوار
گئچسین خطالروندان ، داور حسینه خاطر
.
.
گر غصه وار دیلونده، باشون دوشوب بلایه
یا واردی بیر مریضین، عاجز قالوب دوایه
گل بورد ا نسخه یازدیر ، سقّایِ نینوایه
بیماری فوراً ائتسین ، بهتر حسینه خاطر
.
.
#دنیا_گییندی_قاره_یکسر_حسینه_خاطر
#ترکی
.
✍️ #زبدةالاشعار ✍️
.
🆔: @nohe_torki
نظر دهید