زهرانی آغلاتدی آنا زمانه #فاطمیه_حسن_رسالور

زبانحال حضرت زهرا (س) به مادرش
..
..
#سبک_امید_و_سقای_حرم_اباالفضل
..
..
حاج حسن رسالور
..
..
..
..
زهرانی آغلاتدی آنا زمانه
آز سنّیله دوندی قدیم کمانه
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
ظلمیله دشمن قلبیمی داغلادی
بو غمده کل ماسوا آغلادی
عمو اوغلومون دشمن قولون باغلادی
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
پیغمبرین تک منیدیم نشانی
ظلمیله قلبیمون آخوبدی قانی
ئولماقيما باعث اولوبدی جانی
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
وجودیمی غملر ایدوبدی خسته
کشتی غمده اولموشام نشسته
جان اوستیم آنا من دل شکسته
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
دویدوم آنا دنیاده من اوزومدن
باران غم یاغور منیم گوزومدن
معلومدور حالیم بو بیر سوزومدن
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
ابر بهار تک آنا دولدوم من
بیر گلودوم جفائيلن سولدوم من
زمانه ده عجب مظلوم اولدوم من
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
سندن صورا هر محنته دوزدوم من
سینمده بیر بیر غملری دوزدوم من
دورت بالامدان ظلميله ال اوزدوم من
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
فاطميم آنا اغلار گوزوم وار
منده بلا و محنته دوزوم وار
قبر ایوینه آپارام چوخ سوزوم وار
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
خسته گوگلوم آنا وار بو هوسده
تنگه دوشوب روحیم قوشی قفسده
ایکاش اولیدون سن بو صون نفسده
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
چوخ ماجرا وار قانلو گوز یاشیمدا
آتام قراسی وار هنوز باشیمدا
دیم گرک یازسونلا باش داشیمدا
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
..
«رسالور» غم قلبوی داغلادی
نوک قلم بار سخن باغلادی
زهرا خانم بیله دیوب آغلادی
ایشیق گونوم اولدی قرا آى نه نه
قلبیمه ووردیلار يارا آى نه نه
..
..
..
#فاطمیه #حسن_رسالور #فاطمیه_شهادت #ترکی #زبدةالاشعار