زبدةالاشعار

نجه شرح ایلیوم قارداش سنه اوضاع غارتدن

زبانحال حضرت زینب (س) در کوچ از کربلا
.
✍️زبدةالاشعار✍️

?: @nohe_torki
.
مرحوم سید حسن خوشزاد
.
نجه شرح ایلیوم قارداش سنه اوضاع غارتدن
سنه اوضاع غارتدن دیوم یا که قیامتدن
.

ویروب وحشیلره سعد اوغلی فرمان، حمله باشلاندی
شراره چکدی اود هر سمتدن یرگوی ایشقلاندی
یانان سینن کیمی یاندیم یارالی خیمه لر یاندی
ولی دوزدوم دایاندیم سینمادیم اصلا جسارتدن
.

قشون منظورینی بولدوم چون احساس خطر ایتدیم
ولی مردانه دوردوم سینمی قارداش سپر ایتدیم
زرو زیورلری آتدیم او نوعی دفع شرِّ ایتدیم
سیاسی رنگ دوزدوم نهضته من بو سیاستدن
.

بو غارت تا ایدوبدور طالع پیروزیمی قارداش
نهایت آرتوروب سینمده ساز و سوزیمی قارداش
باشومدا محکم ایتدیم معجر زردوزیمی قارداش
دفاع ایتدیم حجاب اوسته نوامیس نبوتّدن
.

متن پیشنهادی:  اولاندا عصر عاشورا حسینه گوگلر آغلاردی #غارت_خیام #نادری

اگر چه شمر ایلوردی حریم عصمتی تهدید
مقاوم عزمیله ایتدیم تهاجم منده بی تردید
همان هنگامده اولدی فدک هنگامه سی تجدید
آنام زهرا کیمی ایتدیم دفاع حق و حقیقتدن
.

یاناندا خیمه لر یوز قویدی قوشلار سمت صحرایه
رقیه سالدی وحشتند اوزون دامان لیلایه
اَتَکلر یاندی دگدی تازیانه دخت زهرایه
اوزون اگاهسن قارداش قولومدا بو جراحتدن
.

اگر چه دود آهیم کوره تنگِ سینه دن چخدی
اگر چه بغض سینم سینه سوزانیمی سخدی
اگر چه سنگدل صیاد سانموش لانه می یخدی
ولی مات اولدی دشمن بیله صبر و استقامتدن
.

متن پیشنهادی:  من فاطمیم مصحف عصمتده مشعشع #فاطمیه_الماسی_اهری

اولان اولدی یانان یاندی گچن گچدی سولوب گللر
قرا یللر اسیلدی دوشدی دلدن غملی بلبلر
کل اولسون باشیمه سن سیز توکولدی باشیمه کُللر
او بی شرم جماعت دویمادی انی شقاوتدن
.

اگر چه سینمی هجران اودیله داغلارام قارداش
اگر چه من سنه صبح و مسا قان آغلارام قارداش
اسیر اولّام ولی بازار شامی باغلارام قارداش
گیدوب اسلامی آزاد ایلرم قید اسارتدن
.

تعهد ایلورم پایان کاریم کارساز اولسون
اسارت زینبه خوشدور اگر احیا نماز اولسون
یزیدی تختدن سالام حسینیمم سرافراز اولسون
گیدوب ئولّم ولی ال چکمرم دین و شریعتدن
.

متن پیشنهادی:  ای گُل سرسبد باغ وجود #پیامبراسلام_وافد_زنجانی

وجودیم بو جنایتدن سراپا خسته دور قارداش
باجون بی سرپرست اطفالوه سر دسته دور قارداش
مدال قهرمانلوق زینبه شایسته دور قارداش
یزیدین قدرتین سلب ایلرم سالاّم ریاستدن
.

تفاخر ایله عمّن زینبه خوش حالوه #خوشزاد
حسین مداحی سن احسن خوشا اقبالوه #خوشزاد
مواظب اول که نقصان یتمه سین آمالوه #خوشزاد
مواظب اول مهذّب اول مبرّا اول منیّتدن
.

#کوچ_کربلا
#نجه_شرح_ایلیوم_قارداش_سنه_اوضاع_غارتدن
#خوشزاد
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی