زینبم اللها شاکرم قارداش حسین جان #اربعین_سیدبشیرحسینی

اربعین
..
..
..
..
..
#سبک_اصغر_ای_بختیمون
مشابه
..
..
..
..
..
سید بشیر حسینی میانجی
..
..
..
..
..
زینبم آللّها شاکرم قارداش حسین جان!
اربعیندور سنه زائرم قارداش حسین جان!
..
قسمت اولوبدی / شش گوشه قبرون
عشقیله آلدیم / آغوشه قبرون
..
..
..
..
..
عیبی یوخ گؤرموشم چوخ چتین اوقاتی قارداش
گؤرمییدیم او دروازه‌ی ساعاتی قارداش
قولاّری باغلی من گزموشم شاماتی قارداش
غصه‌لی، غملی مسافرم قارداش حسین جان
..
..
..
..
..
جنّت عطری گلور سر به سر کرب و بلادن
قانلی پیراهنون آلموشام قوم دغادن
چکموشم قبریوین اوستونه لطف خدادن
نوحه‌خوانم سنه ذاکرم قارداش حسین جان
..
..
..
..
..
دیل باراسی منه ووردولار شام اهلی، یاندیم
آتدیلار داش اوتانمادیلار، من چوخ اوتاندیم
گؤزلروندن ایراق قولاّری باغلی دولاندیم
باشینه کول یاغان عابرم قارداش حسین جان
..
..
..
..
..
گلموشم قبریوی طوف ائدم کعبه مثالی
سنه قربان باجون یاتما ای جسمی یارالی
آغلیور قبروون اوسته بیر دسته عزالی
غم یئمه هر غمه صابرم قارداش حسین جان
..
..
..
..
..
خواهشیم وار سوروشما رقیّه هاردا قالدی
سنی هر بیر گئجه یادینه یاتمادی سالدی
کنج ویرانه ده درد و غم لر جانین آلدی
جان وئرن حالینه ناظرم قارداش حسین جان
..
..
..
..
..
(روشنائی) دئدی نوحه نی یاز اربعینه
اوخوناندا بو نوحه هامی وورسونلا سینه
یازدی (سیّد بشیر) عشقیله بو دل‌حزینه
عرض ائدور جدّیمه شاعرم، قارداش حسین جان
..
..
..
..
..