من زینبم جهاندا گونوم قاره آغلارام #زینبیه_امینی_خویی

#من_زینبم …
زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
امینی
.
من زینبم جهاندا گونوم قاره آغلارام
دوشسه گوزوم هایاندا که گلزاره آغلارام
من نیلورم حسینسیز اولا گلستان جهان
بیر بلبلم گیدوبدی گلوم خاره آغلارام
.
.
من زینبم سولوب چمنیم جورخاریدن
کل باشیمه اولوب ستم روزگاریدن
قارداشلاریم الوب غمیمین یوخ شماره سی
قلبیم یانوب منیم بو غم بی شماریدن
.
.
من زینبم آتامدی علی مرتضی منیم
قلبیم ایوین یخوبدی ولیکن قضا منیم
من نیلورم جهانی حسینیم گر اولماسا
عالم بوئی بو دهر ده عمروم اولا منیم
.
.
من زینبم فلک آدیما چوخ بلا یازوب
درد و غم و بلایه منی مبتلا یازوب
سعی ایلدوم جهانیده خوش گون گورنمدوم
خوش گونلری قضا منه اوّلده لا یازوب
.
.
من زینبم حسینمون اولدوم دیوانه سی
قارداشمون منم ابدی نغمه خوانه سی
آغلار منیم غمومده دیر وای زینبه
هر کمسه که داغلسا اونون آشیانه سی
.
.
ساخلا عزا «امینی» دی هرسوز باشی حسین
زینب آدین زبانه گتور ایله شور و شین
هر دردیوه دوا ایلسون صاحب عزا
محبوبه دور دو کشوره چون زینب حزین
.
.
#زینبیه_شهادت
#من_زینبم_جهاندا_گونوم_قاره_آغلارام
#امینی_خویی
#ترکی
.
✍️ #زبدةالاشعار✍️
.
🆔: @nohe_torki