زینب (س) اسوۀ شجاعت
و اربعین حسینی
..
..
..
..
سیفی اردبیلی
..
..
..
..
زین اَب زینت کانون تولّا زینب
زین اَب رونق کاشانۀ زهرا زینب
..
..
..
..
زین اَب عالمۀ ماضی و مُستقبل و حال
زین اَب مائدۀ جود حَق عَزّ و جلال
زین اَب عاطفۀ عشق و تجلّای مقال
زین اَب نادرۀ صحنۀ دنیا زینب
..
..
..
..
زین اَب منزلَت مَسنَد حَىّ ازلی
زین اَب فجر شهادتده شاخان نور جلی
زین اَب مظهر ایمان و مواسات علی
زین اَب دفتر حرّیّته إملاء زینب
..
..
..
..
زین اَب سعد سُور طلعتِ آیات کتاب
زین اَب قهر قدر منّت مقبول رقاب
زین اَب مدّ نظر مهر دل آل تراب
زین اَب قدرت صُنع حق یکتا زینب
..
..
..
..
زین اَب آیت اندیشه و تدبیر حسین
زین اَب عشقیده دلبستۀ زنجیر حسین
زین اَب کوی محبّتده اولان پیر حسین
ابن ثارالهه هم مَسلَک سودا زینب
..
..
..
..
زین اَب فاطمیه بند جگر نور بصر
زین اَب شیرۀ پستان شجاعتدن اثر
زین اَب حسن دو ابروی و دو چشمان صُور
کشفُ الأسراریده ماهیّت و معنا زینب
..
..
..
..
زین اَب متن مواسات و کرامات و وقار
مطلع نیّر تابان و مه لیلۀ تار
برق شمشیر على بارقۀ شعلۀ نار
هر دل سوختۀ عشقه تمنّا زینب
..
..
..
..
زین اَب پیکرۀ همّت و ایثار و وداد
زین اَب نعرۀ حق نایرۀ کوی جهاد
فتبارکدن اگر آختاریسان رمز مراد
احسنینده گورونر که اولوب انشا زینب
..
..
..
..
زین اَب دور که ویروب شوکت و سامان عشقه
بو فنا دامنه ده عفّت دامان عشقه
گر مفسّر قلمی باغلیا دیوان عشقه
اولماز هیچ صفحه ده یا سطریده منها زینب
زینبون منطق و گفتارینی هر اهل کلام
قیلسا الگو ئوزینه وار سوزینه قدر و دوام
اُدبا چکمسه اغراقه صریحاً یازارام
خلقتون علّت ایجادیدی تنها زینب
..
..
..
..
عشق زینبدی بلی حُسن مقال عُرفا
ئوزی دامان کرامت آدی مفهوم رجا
تاپار ئوز دردینه هر یرده کیم آختارسا دوا
صدقیلن سسلسه واللهی اگر یا زینب
..
..
..
..
بو گونون مثلی او بانوی سزاور و متین
گلدی همتله اولوب کعبۀ آماله قرین
عشقینون تاپدی او زیبا وشرافتلی یرین
اولدی زوّار حسین عصمت کبری زینب
..
..
..
..
کوی وصله یتیشوب زینب فرخنده شیم
قوردی بیر مجلس بی شائبۀ محنت و غم
سؤرونوب سینه سی اوستونده اَوَل یدّی قدم
ویردی جان محفلینه شور و تجلّی زینب
..
..
..
..
دیدی ای دامن صدّیقه ده پرورده حسین
عشق و ایثاریده عاشقلره سر کرده حسین
صورونور غملی باجون من سورونن یرده حسین
تا ایده خاطرۀ عشقووى احیا زینب
..
..
..
..
زینبون بختی تاپوب دولت بیدار گلوب
قبریوه قامتی خم گوزلری خونبار گلوب
قاره معجرلرون ایندی سنه زوّار گلوب
اربعین بزمین ایدوب شوقیله برپا زینب
..
..
..
..
کسیلوب زینبوون ظلمون النده چاراسی
دولانوب سلسله ده کوچه و بازار آراسی
قمچیلردن قولومون ایندیده واردور یاراسی
تاپمیوب دردینه چوللرده مداوا زینب
..
..
..
..
گؤروشه نهضتوون شرکت سوداسی گلوب
وادی عشق حقونَ غمزده اعضاسی گلوب
اکبرون قاره لئچک غصه لى لیلاسی گلوب
عهد ایثارین ایدوب سر به سر ایفا زینب
..
..
..
..
شامیدن عترت طاها غم اساسین گتوروب
دیلده یاسلی باجیلار اودلی نواسین گتوروب
لیلیده اکبرینون الده حناسین گتوروب
هیچ بیلن یوخدی نهغملر چکوب امّا زینب
..
..
..
..
کیم باخوب غملی ربابه یانوب ایوای سؤلیوب
کینۀ چرخه اودا هی هی وهی های سؤلیوب
شام ایویندن بوراجان اصفره لایلای سؤلیوب
ویروب أول غم کِشه یولّاردا تسلّى زینب
..
..
..
..
نیلسون صرصر ظلمیله سولوبدور چمنی
گل رخسارین ایدوب أشک بصر یاسمنی
صود دولوب دوشلرینه حیف اولا یوخدور اَمنی
اینجیدر آغری دوشون هی چاغیرار یازینب
..
..
..
..
واریدی منده حسینیم هر امانت که سنون
جان قویوب ساخلامشام سالم اساس مُحنون
سینم اوستونده دی اوخلار داغدان پیرهنون
ئولسه ویرمز اونی الدن داخی حاشا زینب
..
..
..
..
زینبون صادقه دور قارداش ایتیرمز دوزووی
یغمشام باشه سنون بیربه بیر عشق اولدوزووی
گتوره بیلمدیم عفو ایله شیرین دل قیزووی
شام ویرانه ده چالدی اونا لالا زینب
..
..
..
..
قوی او شیرین دهنون فاش ایلیوم غملرینی
نجه سندیردی دیوم ظلم الى بال و پرینی
کفن ایتدوم او قرا گونلیه ئوز معجرینی
گور دؤزوب بیر بیله درده نجه آیا زینب
..
..
..
..
قویمادی محنتی قلبیمده قالا ذرّه دؤزوم
باغلادیم آهو باخش گوزلرینی یوخدی سوزوم
نجه قویدوم اونی قبره تاری بیلدی من ئوزوم
تاب ایدنمز بیرى بو محنته إلّا زینب
..
..
..
..
یازورام بوسوزی فکر ایت بیر آز ای اهل هنر
باغبانون گلی سولسا اوره گین غصّه دَلَر
بی بی قارداش بالاسین دفن ایلسه گور نه چکر
نجه بو غملریلن ایتدى مدارا زینب
..
..
..
..
#زینبیه #سیفی_اردبیلی #زینبیه_سیفی_اردبیلی #اربعین #زینبیه_مدح #ترکی #زبدةالاشعار
نظر دهید