یا رقیّه ی مظلومه (ع)
..
..
منتظری شریف آباد
..
..
سالدی فشاره محنت دوران رقیّه نی
نور دو چشم شاه شهیدان رقیّه نی
..
کرب و بلایه گلدی جلالیله نازیله
ایتدی قضا بلالره مهمان رقیّه نی
..
سو یولّارینی باغلادولار یاندی لبلری
ایسّی هواده قویدولار عطشان رقیّه نی
..
گلدی خیامه قانه بویانموش جنازه لر
سالدی هراسه وحشته نالان رقیّه نی
..
اصغر بوغازینون یاراسی نسگل اولدی چوخ
آغلاتدی فوق العاده او پیکان رقیّه نی
..
اکبر جنازه سین دیمورم گوردی گورمدی
آواره ایتدی محنت هجران رقیّه نی
..
مظلوم آتا باشینی وروب نوک نیزه یه
ایتدی یتیمه دشمن قرآن رقیّه نی
..
خیمه یاناندا دامنی اود دوتدی اولمادی
بیر محرمی خلاص ایده اودّان رقیّه نی
..
ناله ایدنده باشینه قمچی ووراردولار
جای تسلّی ووردولار عدوان رقیّه نی
..
زندانه سالدولار حرم الّهی کوفه ده
خوش میزبانی ایتدوله دونان رقیّه نی
..
شرم ایلوری قلم یازا شامون خرابه سین
جاندان سالوب شکنجه ی زندان رقیّه نی
..
بیر قرص نان جو اولوب هر گونده جیره سی
سوء غذاسی سالدی ایاقدان رقیّه نی
..
نه فرشی نه چراغی واریدی نه بالشی
ظلمت فضاسی ایتدی هراسان رقیّه نی
..
گوردی حسین باشینی طبقده خرابه ده
جلب ایتدی وصله روئیت جانان رقیّه نی
..
باش دوشدی بیر یانا او بالا دوشدی بیر یانا
آلدی آرایه بیکس اسیران رقیّه نی
..
بو نوعیله یتوشدی آز عمری نهایته
آغوشه چکدی گوشه ی ویران رقیّه نی
..
مشتاقیدی قوجاقه آلا فاطمه اونی
پیشواز ایدوبدی خیرةِ نسوان رقیّه نی
گیتدی قوشولدی اصغریله خردا محسنه
دوتدی عزیزه جنّت و رضوان رقیّه نی
..
طبع روانه منتظِرا التماس ایله
یازسون کتابه دیده سی گریان رقیّه نی
..
..
#حضرت_رقیه #منتظری #حضرت_رقیه_شهادت #ترکی #زبدةالاشعار
نظر دهید