زبانحال حضرت لیلا (س) در بالین حضرت علی اکبر (ع)
.
✍️زبدة الاشعار✍️
?: @nohe_torki
مرحوم شهاب تبریزی
.
سندن صورا ای اوغول
ترک جهان ائدرم
سالدوقجا یاده سنی
آه و فغان ائدرم
.
باخ بو سولان یوزومه
آغلار قالان گوزومه
اکبر آدین اؤزومه
ورد زبان ائدرم
.
اوغلی ئولن آنالار ایستر ئولوم اؤزونه
چون همزبان دولانوب تاپماز اؤرک سوزینه
سندن صورا ای اوغول کول لیلینین گوزونه
مرگ آرزوسینی من هر دم هر آن ائدرم
.
باخدوقجا قانه باتان صد چاک اولان بدنه
قانه دونر جگریم گوگلوم باتار محنه
هر قدر یالواریرام یوخدور جواب منه
سن ئولموسن دئمرم یاتمیش گمان ائدرم
.
هجران اودیله اوغول دلدن الولانورام
شمع وصاله یانان پروانه تک یانورام
بو آیریلیق غمینی آسان دئمه سانیرام
مشکل بوله بوله بول من نوش جان ائدرم
.
لیلانی حشره کیمی بو غصّه یاندیراجاق
بو نامراد ئولومون جاندان اوساندیراجاق
زلفون سپاهی چکوب شامه دولاندیراجاق
شاومن خرابه سینی بوللم مکان ائدرم
.
سنسیز نه نوع آنان بیرده گئدر وطنه
چوللرده مسکن ائدم خوشدور ئولونجه منه
من اوخشیوم نه دیوم سن تک جوان ئولنه
سو تاپمارام گوزومون اشکین روان ائدرم
.
بیر عمریدی واریدیم دائم بو عزّتیله
سایون اولاردی باشیم اوسته بو قامتیله
ایمدی اوغول یری وار ئولسم بو حسرتیله
سندن صورا نجه من میل جهان ائدرم
.
بیله خیال ایلمه سندن دویوب گئدرم
روح روانیمی بو چولده قویوب گئدرم
عزّت لباسینی من یکسر سویوب گئدرم
بو عشق ذلّتیله تاب و توان ائدرم
.
باغلانمینجه قولوم وورام اوغول باشیما
وئرّم اجازه آخان بو قانلو گوز یاشیما
یتمز بو چولده الیم بیر قوم وقارداشیما
یوخ سس وئرم سسیمه هر چه امان ائدرم
.
بلبل نجه که اوغول خوشدور گوله چمنه
مین ایله عشق واریم ای نور دیده سنه
مشکلدی بیرده باخام گلشنده نسترنه
آهیمله هر گل آچا یکسر خزان ائدرم
.
گورسم #شهاب اوزومی بیر گون بو جمعیله من
اکبر ضریحین اؤپوب شوط ایلرم بئله من
پائین پاده دوروب گلَّم او دم دیله من
بیرده بو نوحه نی من اوردا بیان ائدرم
ــــــ
واگیرها از #مصیبی_تبریزی
سودای دله باخدون
اولدوز تک نه تئز آخدون
یاندیردون منی یاخدون
علی جانم
.
ای تاج سر لیلا
وی بال و پر لیلا
سن سن دلبر لیلا
علی جانم
.
محبوب ازلی سن
لوح غم غزلی سن
لیلانین گوزلی سن
علی جانم
.
آرام دل لیلا
نور محفل لیلا
حل مشکل لیلا
علی جانم
.
#سبک_ای_آسمان_غمون
.
#اکبریه_شهادت
#کوچ_کربلا
#سندن_صورا_ای_اوغول_ترک_جهان_ائدرم
#شهاب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید