ایلدیم اثبات حقّ اوستونده تحقیقات عمو #سعدی_زمان #قاسمیه

زبانحال جناب قاسم (ع ) در حال احتضار
.
✍️ زبدة الاشعار ✍️

?: @nohe_torki
.
مرحوم حسینی سعدی زمان
.
ایلدیم اثبات حقّ اوستونده تحقیقات عمو
قتلیمه بو اهل کوفه قوردی تشکیلات عمو

.
ایسته دیم دین مبینون آرتورام من رونقین
محو ائدم تشکلینی بو چولده قوم ناحقین
ضرب شستیله یاتوردام اهل بدعت بیرقین
فکریمه ویردی قضا ماموری تبدیلات عمو

.
یتمدی انجامه فکریم ای امام ممتحن
صدر زین اوستن منی یخدی بو اشرار زمن
بو یخلماقدا اوجاتدیم پرچم اسلامی من
ایلدیم خوش وجهیله خدمتده تحصیلات عمو

.
عین و شین و قافیله اولموشدی تخمیریم ازل
عین عطش، شینی شهادت خطّنه ایلر عمل
قاف قتلیمدور، وریرور اوندان خبر پیک اجل
کلمه عشقه یازوبلار بیله تاویلات عمو

.
ایلدیم اثبات آیات حقه فکر دقیق
دُرّ بیضای حقیقت تاپدی بیر رنگ عقیق
جسمیمه یازدی خدنگ و نیزه پیمان عتیق
ایلدی آت دیر ناقی یازدوقجا تفسیرات عمو

.
عشق میدانینده من جام الستین مستیَم
محضر جاناندا قید عهدیمون پا بستیَم
شایقم یوز دوندرم وجه اللهَه جان اوستیَم
گل باشیم اوسته جمال اللهه ای مرآت عمو

.
رهرو کوی حقیقت عزّت اوسته اولدی خوار
نوگلون ای باغبان عشق اولوب پابند خار
باش و جان معشوقه ویرسه عاشق ایلر افتخار
کامیاب اولدوم قبوله یتدی تقدیمات عمو

.
باشیمه بر تیغ کینه دگدی منشقّ اولدی فرق
ایلدی شقّ القمر اثباتین امّا چوخدی فرق
منکر شقّ القمر بیرحم اهل غرب و شرق
وئردی اعجاز رسوله یاخشی توضیحات عمو

.
عالم عُلوی خیالی ویردی سُفلادن چو فصل
قانیله یازدیم نکات عشقی یرده فصل فصل
گورسنور ماهیّتمده اهل حقّه نور اصل
بی بصیرتلر ایدور ناحقّه تشبیهات عمو

.
خلق ایدنده عالم ارواحده آب و گلی
مایلیم اولدی بنی عمّیم #حسینی نون دلی
هرکسه ویرمز خدای خلق بو شیرین دلی
دعبل و مقبل یازانماز بیله تألیفات عمو

.
#سبک_زینبم_جان_اوستیم (بیش از 4 سبک)

.
#قاسمیه_شهادت #سعدی_زمان
#ایلدیم_اثبات_حق_اوستنده_تحقیقات_عمو
#کنزالحسینی2 ص 14 (کلیات ص 258)
#ترکی
.
✍️ #زبدةالاشعار ✍️

?: @nohe_torki