شکر و سپاس لطفوه ای ذات کبریا #مناجات_غفاری_زنجانی

مناجات
..
..
..
..
غفاری زنجانی
..
..
..
..
شکر و سپاس لطفوه ای ذات کبریا
یا غافر و رحیم و خداوند ماسوا
..
یا رازق و جواد و یا حیّ لم یزل
یا ذالجلال ذکری ویرن دللره جلا
..
قدرتله گوهر ای یارادان سنگ خاره دن
حیراندی صنعوه که یُرائیله ما یُرا
..
ای قادر و علیم و توانای لا شریک
تسبیح گوی دور سنیچون ارضله سما
..
الکندی دل که سایماقا نعمتلرون سنون
مخصوصیدور الهی سنه حمد و هر ثنا
..
عاقلرون سنی چاقورور دائماً اودور
دیوانه عاقلی ایلیر شوقین ای بسا
..
گیتمزله خواب نازه سنین آختارانلارون
صبح ایلمزله سنسیز او عشاق با صفا
..
ذکریندی روح پرور و یادوندی دلپذیر
غمدن خلاص اولار سنی کیم ایلسه ندا
..
اِرحَم لَنا بِلُطفِکَ یا رَبَّ العالَمین
اِغفِر لَنا بِفَضلِک یا سامِعَ الدُّعا
..
یوز آستان لطفوه بیز قویموشوخ سنون
چوخ عاجزانه الده‌ بو کشکولی گدا
..
ناقص عملری سن اگر ایتمسون قبول
یوخ ذره ارزشی اولا جاخ سعیلر هبا
..
یا غافرالذنوب حکمت سنونکدی
هر کیمسیه نقدر ئوزون ایلسن عطا
..
یوخدور توان و قدرتی فهم و بلاغتین
دریای وصفون ایچره سنون ایلیه شنا
..
گاهی سموم قهریویله باغ و گل سولار
گاهی نسیم لطفون ایدر خاری دلربا
..
یارب عیاندی بنده لره مهربانلوقون
چاتماز او مهربانلوقوا مهر هیچ آنا
..
قربان اولاق سنون کرم بیکرانوه
راضی سن اولماران گیده هیچ بنده کج یولا
..
راه سعادتی ویرلر خلقچون نشان
گوندردون اونلارا نچه مین پاک رهنما
..
آدم ابوالبشر اولارون اولدی اولی
تاج شرفدی جمله رسولانه مصطفی
..
سندن اونا پیام ویرن جبرئیلدور
وحییدی سوزلری که دانشمازدی هیچ هوا
..
الکندی دل او حضرتین اوصاف و نعتنه
خورشیدی ذره وصف ایده مشکلدی برملا
..
یا رب بیزی باغشلا رسول مکرمه
محبوبدور سنه هامودان ختم الانبیا
..
عفو ایله بیرده حیدر کراره بیزلری
الله به حق سید و سالار اوصیا
..
ویرّوخ سنی او ضیغم دعوالره قسم
فتح و ظفر یاراتدی او که موقع غزا
..
یارب یولوندا قاننه غلطان اولانلارا
آل علی محبّینی قیل غصّه دن رها
..
اعمالموز خلافدی گر امریوه گوره
شرمنده یم من ئوز عملیمدن یوزوم قرا
..
دوتما منی گناهیله یا مالک الرّقاب
مندن اگر چه صبح مسا گورموسن خطا
..
سندن منه همیشه یتوب لطف بیکران
مندن ویروبدی یوز ولی چوخ فعل ناروا
..
بیر عاصی بنده یم بلی محتاج رحمتون
وار احتیاج قلب مسه ذرّه کیمیا
..
ای من کیمی گناه ایلین ذات اقدسه
درگاه کبریایه ال آچ ایتگلن دعا
..
یالوار همیشه تا که او ستار عیب پوش
پرده چکه عمل لریوه لطف ئوزیله تا
..
یوخ اعتمادی ایتدیقی اعماله هیچ کیمون
عاقل سنیق عصایه بلی ایتمز اتّکا
..
اذن شفاعت اولماسا گر ذات حقدن
گوز گوشه سیله بیز لره باخمازلار اولیا
..
«غفاری» عمر باشه چاتور یوخدی فرصتون
باری بو بش گونی ایله جبران ما مضی
..
الهام همیشه شعریوه اخذ ایله سعدیدن
چیخ سیره بوستانیده هر دم آپار صفا
..
..
..
..
دوبیتی
درگاهیوه الهی یوزوم قاره گلمشم
رحمت گوزیله باخ بو گنه کاره گلمشم
بیچاره ایلیوبدی منی نفس سرکشیم
ای چاره ساز دردیمه قیل چاره گلمشم
..
..
..
..
#مناجات #غفاری_زنجانی #ترکی #زبدةالاشعار #رمضانیه