زبدةالاشعار

صبا حسینه ویر خبر قیزون رقیّه جان ویرور #حضرت_رقیه #سعدی_زمان

زبانحال حضرت زینب (س) در شهادت حضرت رقیه (س)
.
✍️ زبدة الاشعار ✍️
.
?: @nohe_torki
.
مرحوم حسینی سعدی زمان
.
صبا حسینه ویر خبر
قیزون رقیّه جان ویرور
سنون کفن سیز ئولماقون
خرابه ده نشان ویرور
قیزون رقیّه جان ویرور
.
.
بابا بابا دیور یانور ایدور نظر صاقا صولا
یقین یولون گوزَتلوری تیکوبدی چوخ گوزین یولا
بو قدر قویما گوزلری یولوندا انتظار اولا
نوید وصلون اولسا گر حیات جاودان ویرور
.
.
پوزوبدی حالی حالیمی گرک ئولونجه دل یانا
اگرچه نار غصّه دن یاخوندی قلبیم اودلانا
تمام غصّه بیر یانا ولی بو غصّه بیر یانا
قوری یر اوسته بیله جان بو طفل ناتوان ویرور
.
.
حرملرون باخور یانور آناسی اشکبار اولور
جنازه اوسته باش آچوب باجیسی ساچلارین یولور
قولوندا قمچی یرلرین گورنده گوزلریم دولور
حنوطی خاک غسلینی بو چشم خون فشان ویرور
.
.
نه وار سسیمه سس ویرن نه بیر نفر گَلوب گیدن
گوره بالام غریب ئولور تدارک ایلیه کفن
ایدون نه چاره نه کومک نه وار هراییمه گَلن
نه دیز گَلور نه دل دوتور نه گوز یاشیم امان ویرور
.
.
حسین یارالی قلبیمون گَل ایمدی یاره سین بیتور
قیزیوی قبره قویماقا اوزون بو منزله یتور
منی سویوبلا باری سن اَلونده بیر کفن گَتور
امیدی یوخدی بیر کسه باجون سنه گمان ویرور
.
.
وطن دگل بو شهر شام اولا قبیلمه قریب
جنازه سین گوتورماقا گَله قبیله و حبیب
بو اهل شهره نابلد، اسیر شمر، اوزوم غریب
غریبین اهل شهر اولان سسینه سس هاچان ویرور
.
.
نه فرش و نه چراغ وار خرابه یردی منزلی
نه سو و نه طعام وار نه سوز دیه دوتور دلی
باجون چتینده حلّ ایده ئولونجه بیله نسگلی
حجاز عزیزی شامیده بو ذلّتیله جان ویرور
.
.
باخان بُلر ملالیمی گوزیمده قانلی یاشیمه
باشیم اوجالیقی توکوب نه کُل زمانه باشیمه
نولوبدی بس منیم ایلیم نه گَلدی آل هاشیمه
صباح و شام دردسر بیزه بو شامیان ویرور
.
.
سموم جور و ظلمیله خزان اولوبدی گُللرون
خزان گُلینه بنزوری بو طفل ناز پرورون
آجیندان عارضی سولوب سارالدی بو گُل ترون
بهار عمر زینبه بو غصّه لر خزان ویرور
.
.
سزادی بو یتیمه نون فغانی کَونی دولدورا
اجل سیز ئولدی ئولدوروب بونی عدو وورا وورا
اولوب اَیاقی آبله ایاقه ایستوری دورا
دوراندا یاره یرلری اَیاقلاریندا قان ویرور
.
.
«حسینی» بخت کوکبون دوشوب تنزّله سنون
ایدور محبّ سرزنش بو حاله طعنه دشمنون
نهان ملالیدن عیان چخار سپهره شیونون
حسینه آغلاسان خدا مرامیوی اینان ویرور
.
#سبک ها
1- #سبک_الهی_دفن_ایدیم_نجه
واگیر برای این سبک :
(باشندا قاره رقیه لای لای
اورکده یاره رقیه لای لای) و …
.
2- #سبک_دل_شب_ایلیوب_سفر (4 سبک سینه و زنجیر)
.
3- #سبک_تا_مشکتو_تو_آب_زدی
#سبک_حسین_دوشوبدی_مقتله
واگیر برای این سبک از #مصیبی_تبریزی
(خراب اولسون دودمان شمر و سنانی
گوزی چیخسون گوز ووران بو بیکس بالانی
خزانِ درد و بلا گلزاره دوشندن
صولوب هم گول هم قویوب آغلار باغبانی
رقیه رقیه رقیه رقیه)
4- #سبک_الهی_غملی_کوفه_نون
واگیر برای این سبک از #ثاقب_زنجانی :
یوزه اشک غم توکوب آغلارام
بو مُحَنده سینه می داغلارام
.
.
.
.
.
#حضرت_رقیه_شهادت
#سعد‌ی_زمان
#صبا_حسینه_ویر_خبر_قیزون_رقیه_جان_ویرور
#لمعات_حسینی ص 368
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی