اربعین
.
✍️ زبدة الاشعار ✍️
.
?: @nohe_torki
.
سید ناصر ولایی زنجانی
.
یول لارین یورقونلاری کرب وبلایه گلدیلر
بیر پریشان قافله قانلی منایه گلدیلر
.
.
.
کربلاده یوز وئریپ زائر لره آماج غم
مرکب اوستوندن آتیر بیر بیر اوزون اهل حرم
تپراق اوستونده سوروندی بیرخانم یدّی قدم
تل زینبدن انیپ سعی وصفایه گلدیلر
یول لارین یورقونلاری کرب وبلایه گلدیلر
.
.
.
هربیری گوز گزدیریپ آخیردا تاپدی اوز گولون
جورخاره صبر ائدن گل تاپدی اوردا سویگولون
جوراغیاری چکن یاره دانیشدی مشگولون
سس سسه اهل حرم وئردی هرایه گلدیلر
یول لارین یورقونلاری کرب وبلایه گلدیلر
.
.
.
سوزیلن آغلیر بیری ائیلیر هامی قلبی کباب
سسلنیر ای وای بالا وای اصغریم غملی رباب
قالمیوپدی آیریلیقدان قلبیلرده ذرّه تاب
اوغلی اولن لر جمله سی دشت بلایه گلدیلر
یول لارین یورقونلاری کرب وبلایه گلدیلر
.
.
.
قویدولارتپراقلار اوسته قمچی دگمیش باشلارین
اوپدولر کرب وبلانین قانه باتمیش داشلارین
سسلنیر بعضی سی اوغلون بعضی سی قارداشلارین
کربلاده غملی لر نی تک نوایه گلدیلر
یول لارین یورقونلاری کرب وبلایه گلدیلر
.
.
.
زینب وکلثوم اوزون سالدی حسینین قبرینه
یاغماقا فرصت وئریپ گوزلر او دولقون ابرینه
عرض ائدیپ احسن ملک لر ایکّی خواهر صبرینه
نینواده غملی لر نی تک نوایه گلدیلر
یول لارین یورقونلاری کرب وبلایه گلدیلر
.
.
.
عرض ائدیپ زینب حسین جان حقّه دائم بنده یم
قیز لارین گتدیم سفردن اونلارین دلبندی یم
حیف اولا نازلی رقیّه ن دن حسین شرمنده یم
قیزلارین ظلمون الیندن آه و وایه گلدیلر
یول لارین یورقونلاری کرب وبلایه گلدیلر
.
.
.
یاحسین بیر اربعین ائیله بیزی باهم قوناق
معرفت وئر بیزلره تا نار عشقینده یاناق
آیری یاندا یوخ حسین جان درگهینده قوی سیناق
تا #ولایی لار گوراخ هاردان هارایه گلدیلر
یول لارین یورقونلاری کرب وبلایه گلدیلر
.
#سبک_زینبم_جان_اوستیم … 4 سبک
.
.
#اربعین
#یول_لارین_یورقونلاری_کرب_و_بلایه_گلدیلر
#ولایی_زنجانی
#ترکی
.
✍️ #زبدةالاشعار ✍️
.
?: @nohe_torki
نظر دهید