زبدةالاشعار

صبا ویر مژده طاهایه حسین گلدی بو دنیایه #حسینیه #مجید_امینی

میلادیه امام حسین (ع)
.
✍️ #زبدةالاشعار ✍️
.
🆔: @nohe_torki
.
#سبک_شب_میلاد … 4 سبک
مشابه

.حاج مجید امینی تبریزی
.
صبا ویر مژده طاهایه حسین گلدی بو دنیایه
ویروب دنیایه پیرایه مبارکدور مبارکدور
.
تولّد تاپدی بو مولا اولدوبدور صفحه ی غبرا
به سانِ جنّت الماوا مبارکدور مبارکدور
.
مه و مهره صفا ویردی جهانه انجلا ویردی
هامی قلبه صفا ویردی مبارکدور مبارکدور
.
اولاندا سوم شعبان چخوب بو نیّر رخشان
آلار گون نورینی بوندان مبارکدور مبارکدور
.
آچوبدور باب احسانی سراسر کون و امکانی
ایدوب نوری چراغانی مبارکدور مبارکدور
.
بو نور خالق ذوالمن جهانی ایلدی روشن
اولوب زهرا ایوی گلشن مبارکدور مبارکدور
.
بو نوره حامله زهرا اولوبدور قابله لعیا
بونا کیمدور اولا همتا مبارکدور مبارکدور
.
ووروب دریای عشق امواج ملائکلر گلوب افواج
اولوبلار لطفینه محتاج مبارکدور مبارکدور
.
جهاندا بی بدلدور بو حبیب لم یزلدور بو
گوزل لردن گوزلدور بو مبارکدور مبارکدور
.
نهال گلشن خیدر ویروب بو گونده اَحلی بر
سرور قلب پیغمبر مبارکدور مبارکدور
.
بونا بیر گل مثال اولماز بیله صاحب جلال اولماز
حسین تک مه جمال اولماز مبارکدور مبارکدور
.
رموز عشقیدن آگاه حسین شاه فلک درگاه
اولوبدور مادحی الله مبارکدور مبارکدور
.
حسین دنیایه سلطاندور گل گلزار رضواندور
آدی هر درده درماندور مبارکدور مبارکدور
.
اولوب منقول چوخ سوزلر دیردی بو سوزی پیدر
حسینٌ منّی پیغمبر مبارکدور مبارکدور
.
امینی یاز صله ایسته اوتانما گل دله ایسته
بو مولادن صله ایسته مبارکدور مبارکدور
.

#حسینیه #مجید_امینی
#حسینیه_میلادیه
#صبا_ویر_مژده_طاهایه_حسین_گلدی_بو_دنیایه
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  ایدوبدی رحلت امام صادق بو گونده عالم سراسر آغلار #صادقیه #عاصی_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی