زبدةالاشعار

ای قیامت شور عشقوندن علامت یاحسین #حسینیه_کامران_اسدی

میلاد حضرت امام حسین(ع)
#یاحسین
.
✍️ #زبدةالاشعار ✍️
.
🆔: @nohe_torki
.
کامران اسدی حقایق
.
ای قیامت شور عشقوندن علامت یاحسین
عشقون ایلر مین قیامتجه قیامت یاحسین
.
ای گوزل کیم گلدی حسنوندن دییه عاجزلدى
بس که اعجاز ائتدی نقاشِ بو صورت یاحسین
.
نیلسون گر اولماسون هر کیم که واردی عاشقون
جان وئریر عاشقلیقا الحق بو طلعت یاحسین
.
عشقیده عشقه گتوردون تا اولا عاشق سنه
عشقده عاشقلیق آخر اولدى قسمت یاحسین
.
جوش و شور و شوق گلدی سن گلندن عالمه
بیر ولادت خلق ائدیب نئچه ولادت یاحسین
.
هانسی واژیلن بیری تحسین ائده بولسون اونی
مرحبا مرزیندن آشدی بو وجاهت یاحسین
.
اولماسیدی بیر بئله حسنون غنی اولمازدی عشق
اولماسیدون عشق اولاردی بی بضاعت یاحسین
.
عشقیوه فکر ایلین عاشق تاپانماز بی گمان
بیر دقیقه آیری بر فکره فراغت یاحسین
.
قدریوی کیمدی دانا بولسون که تأییدینده وار
مین کتابت، مین حکایت، مین روایت یاحسین
.
روزگاره تا سنی احسان ائدیب الله، قویوب
روزگارین بوینونا الحق که منت یاحسین
.
چوخ بیوکلردن بیوکسن سن کناروندا سنون
چوخ بیوکلر ایلر احساس حقارت یاحسین
.
جدّون احمددی آتان حیدر آنان زهرا، عجب
دوره وی آلمیشلار ارباب محبت یاحسین
.
گور نئچه ایستکلییه ایستکلیسن خوش حالیوه
هئچ سعادتمندیده یوخ بو سعادت یاحسین
.
قالب بیروحه تازه جان وئریر گویچک آدون
وار دمِ عیسی قدر اسمونده قدرت یاحسین
.
هاردا ذکرون واردی اوردا اولمامیش بیز اولماروق
بیر واروق هر یرده سندن واردی صحبت یاحسین
.
اللهین اللهلیقی هر قدر وار عشقونده وار
کیم اولار قائل بئله عشقه نهایت یاحسین
.
تا نفس وار بیز هارا عشقوندن ال چکماق هارا
ایلمز معتاد عشقون ترک عادت یاحسین
.
عمر شیریندی عسلدن اولسا طی عشقونده گر
یوخسا زهر تلخیلن ایلر رقابت یاحسین
.
اولماسا عشقون حیاتین یوخ بیزه هئچ صرفه سی
بهره سیزدی عمر بی عشق ولایت یاحسین
.
آلماسین الله الیمیزدن ئولونجه عشقیوی
تا ئولونجه ایلییاق بیز شکر نعمت یاحسین
.
اؤز الین گر اوپسه ده الده موّجه عذری وار
عشقیوه هر کیم که وئردی دست بیعت یاحسین
.
آند اولا اللهه یول تاپماق ائله مشکل دگول
تا که سنسن خلقه مصباح هدایت یاحسین
.
قابلیت وئر بیزه ای رهنما رهرولوقا
چون که رهرولوقدا ایستر قابلیت یاحسین
.
کوچه به کوچه قارا پرچملرى آختارموشوق
کوی یاره تا بیزی ائتسون دلالت یاحسین
.
بیر بئله سرگشتلیقلار نوشیدی، چون عاشقه
عشقه خاطر چکدیقی زحمتدی رحمت یاحسین
.
باطناً هیئتده بیر پرچمده بیردی، ظاهراً
گرچه وار مینلر علم مینلرده هیئت یاحسین
.
قصد بیرمقصود بیر یول بیر هدف بیر یار بیر
گورسدر عاشقلرون کثرتده وحدت یاحسین
.
مردسن، مرد اوغلوسان مردانه لیق ذاتیندا وار
سن کیمی مرده روادی عرض حاجت یاحسین
.
سن کرامت معدنی، بیزده سراپا معصیت
سن خجالتدن چیخاردان بیز خجالت یاحسین
.
هر قدر لطف ایلسنده بیز گینه لطف ایستروق
یر وار اوردا خوش دگل ائتماق قناعت یاحسین
.
کامرانه کامران اسمی یاراشماز ائتمسه
کامینی شیرین اگر شهد عنایت یاحسین
.
معصیت آلوده دی محشرده اما پاک اولار
اوستونه گر دوشسه خورشید شفاعت یاحسین
.
.
#حسینیه_کامران_اسدی
#حسینیه_مدح #حسینیه_میلادیه
#ای_قیامت_شور_عشقوندن_علامت_یاحسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای رقیّه ای منی آغلار قویان آچ گوزلرون #حضرت_رقیه_محمدی_ناطق

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی