در مدح و شهادت حضرت صدیقهٔ کبری (س)
گریز به زبانحال #حضرت_رباب (س) در #شام_غریبان
..
..
..
..
مرحوم انور اردبیلی
..
..
..
..
صبح عصمت پدیده سی زهرا
طاهراتون چکیده سی زهرا
..
آدمون مایه ی مباهاتی
خاتمون نور دیده سی زهرا
..
گوز آچان خانه ی رسالتده
مهد حق پروریده سی زهرا
..
معنی کلمه ی ذوالقربا
همدم و هم عقیده سی زهرا
..
حسنینیله زینبینه آنا
امّهاتون سعیده سی زهرا
..
دشمن غاصبی ائدن رسوا
علوی لر رشیده سی زهرا
..
یارینه یار اولان یامان گونده
بار محنت خمیده سی زهرا
..
صحنه ی ظلم و زور و طغیانون
رنج و محنت کشیده سی زهرا
..
مهبط پیک رب الاعلاده
خط سرخین شهیده سی زهرا
..
..
..
..
فخر لعیا انیسه ی حورا
لقبی آسماندا منصورا
..
..
..
..
بحر توحید گوهری زهرا
جان تجرید جوهری زهرا
..
اُحدون سلسبیل جوشانی
احمدون حوض کوثری زهرا
..
مالک یوم دینه محبوبه
خلقتین زیب دفتری زهرا
..
ئوزی گون اون بیر اولدوزون اما
صاف و پاکیزه محوری زهرا
..
خامه ی قدرت الهینون
صورت خوش مصوّری زهرا
..
نو بهارینده باغ طاهانون
گل پر عطر و پرپری زهرا
..
آشیان ولیّ معبودون
پرشکسته کبوتری زهرا
..
صدف بطنیده سینان درّی
بالا وای دیلده ازبری زهرا
..
ئوز ائوینده ئوز آستانینده
توکولن خون احمری زهرا
..
نقش اولان صحنه بی عبا جسمی
آغلادان دردی حیدری زهرا
..
..
..
..
ئوزی مظلومه شوهری مظلوم
قدری مجهول قدری نامعلوم
..
..
..
..
قلبیمی غصه سالدی طاقتدن
کچمرم اشهرِ روایتدن
..
ای قلم یاز عفیفه زهرانون
قاپوسین یاندیران جماعتدن
..
جمع اولوب نچّه یوز نفر نامرد
چخدیلار مسلک دیانتدن
..
هاموسی آلنی پینه لی عابد
بی خبر معنی عبادتدن
..
سینه لر اوسته آق محاسنلر
قلبلر قاره لیل ظلمتدن
..
وردیلار اود آلیشدی باب الله
قاپی گلدی دیله حرارتدن
..
دئدی من افضلم سلیمانلار
اگلشن کرسی جلالتدن
..
چوخ وروب آستانمه بوسه
حضرت جبرئیل ارادتدن
..
تکیه ایلوب منه خانم زهرا
اوتانون ال چکون جنایتدن
..
من کول اولسامدا اولمشام اما
نگرانم بیوک امانتدن
..
..
..
..
یاندیروب آچدیلار او درگاهی
سالدیلار جاندان عصمت اللهی
..
..
..
..
جان گوزین ناظر ایله معنایه
باب مولایه گئت تماشایه
..
قاپونین وزنینی ائله میزان
پی آپار مطلبیمده مبنایه
..
توخانان لحظه ده او سنگین در
نیلدی گور بتول عذرایه
..
بیر طرفدن قاپی اویان دیوار
منگنه مثلی اولدی زهرایه
..
سقط ائدوبدور جنینینی جانسیز
صدمه یتدی بدنده اعضایه
..
سینه سین یاره ایلدی مسمار
دوشلری باتدی خون حمرایه
..
داده گلدی خدیجه قبرینده
غصه یوز وئردی روح طاهایه
..
ضعف ایدوب فاطمه دوشوب حالدان
نقش اولوب پیکری او مأوایه
..
سینه سینده نفس آغیرلاشدی
قالمادی مرتضایه سرمایه
..
گوزلرین آچدی جده ی سادات
حاجتی گوردی یوخدی لعیایه
..
..
..
..
ایستدی دردینی ائده ابراز
الی پهلوده دیل دوتار دوتماز
..
..
..
..
گلدی گفتاره فضه ئولدوم گل
قیل منه چاره فضه ئولدوم گل
..
مندن آیریلدی محسنوم گئتدی
بزم دلداره فضه ئولدوم گل
..
دوت الیمدن دوروم ایاق اوسته
من گونی قاره فضه ئولدوم گل
..
وار نوا بند بند جسمیمده
جان گلوب زاره فضه ئولدوم گل
..
اورگیم چرپینور دیزیم تیترور
سینه ده یاره فضه ئولدوم گل
..
حاضر ایله سرین سو بیر کاسه
سپ بو رخساره فضه ئولدوم گل
..
انتظاریم یوخیدی امتدن
بله رفتاره فضه ئولدوم گل
..
قاپومی هرکیم آچدی قاتلدی
من بی یاره فضه ئولدوم گل
..
ایسته سون دردیمون عیارین باخ
در و دیواره فضه ئولدوم گل
..
قویما بلبللریم پر آچسونلار
غملی گلزاره فضه ئولدوم گل
..
..
..
..
منی خوار ائتدی فرقه ی خونخوار
گورسه بو حالی زینبیم قورخار
..
..
..
..
فضه صحنه طرف فرار ائتدی
خانمون محنتین عیار ائتدی
..
ال آتوب باشینه دئدی ایوای
نوری خاموش اهل نار ائتدی
..
نچه گوندور گئدوبدی پیغمبر
امتی کج یول اختیار ائتدی
..
قاپوی یاندیرانلار ای خاتون
دفتر روزگاری تار ائتدی
..
سن هایاندا بالون دوشوب هاردا
قاره تپراقی گاهوار ائتدی
..
دشمنون شرمسار اولا ، سندن
غملی مولانی شرمسار ائتدی
..
وای منه کوینگون قزیل قاندی
سینوی کیم جریحه دار ائتدی
..
قاپی آچماقه کاش گئتمیدون
نه ستم قوم ظلمکار ائتدی
..
پری سینمیش همایه بنذورسن
قلبیمی غصه بیقرار ائتدی
..
محسنه درگهون اولوب مقتل
کیم او طرلانوی شکار ائتدی
..
..
..
..
گوردی آشفته دور او عصمت جاه
فضه سسلندی یا ولی الله
..
..
..
..
..
اشقیا ایلیوبدی طوفان گل
پنجه ده ذوالفقارون عریان گل
..
اهرمن لر یخوبدی بلقیسی
ائوده اگلشمه ای سلیمان گل
..
آشیان همای ایمانی
یاندیروب دشمن ائتدی ویران گل
..
خانمون حالتی دگرگوندی
سالما تأخیره وقتی الان گل
..
دلبرون سینه یاره دور سنده
باشینون اوسته سینه سوزان گل
..
بیعت اوستونده شور شر واردی
توکولوب صحن خانه ده قان گل
..
حاجتی واردی محسنون دفنه
سقط اولوبدی بالون وئروب جان گل
..
بی وفادی مدینه نون اهلی
حقی نا حقه ائتدی قربان گل
..
سنه به به دیین ولایتده
ایلدی نقض عهد و پیمان گل
..
توستی ورمیش هواده خرگه لر
عجبا شیر ائوینده روبه لر
..
..
..
..
او گونون ختمه یتدی جریانی
باتدی مغربده مهر نورانی
..
..
..
..
گجه دن کچدی بیر نچه ساعت
غم دوتوب بیت شاه مردانی
..
صدفین درّیدن گوروب خالی
غصه گتدی نوایه زهرانی
..
یوز دوتوب آستانه منزلدن
محسنون اولدی دیده گریانی
..
دئدی قبرونده یاتموسان راحت
ولی من یاتمارام بالام جانی
..
عالمه بی صدا گلوب گئتدون
گئدوب اولدون خدیجه مهمانی
..
مایلم منده گلمگه افسوس
روحیمی جسم ائدوبدی زندانی
..
حسنه یا حسینه اوخشیدون
بیلمدیم حیف اولا بو عنوانی
..
بلکه ده زینبه شبیهیدون
یوزوی قویمادی گورم ثانی
..
..
..
..
ئوز آدین بیلمین بالام لایلای
صود دادین بیلمین بالام لایلای
..
..
..
..
منی قویدون ملر بالام لایلای
قبره ائتدون سفر بالام لایلای
..
سنی بو دامنی وسیع دنیا
اولدی بیر رهگذر بالام لایلای
..
آلمادیم بیر اوپوش دوداقوندن
آنا اوغلون اوپر بالام لایلای
..
ورمادیم تللروه من شانه
سپمدیم مشک تر بالام لایلای
..
ائتمدون ناله سسلنم جان جان
اولمادیم بختور بالام لایلای
..
آغلیاندا بشیکده هر کورپه
ننه سی جان دییر بالام لایلای
..
بیلمدیم هئچ هاران شکست اولدی
قالمشام بی خبر بالام لایلای
..
سنه من نو لباس تیکمیشدیم
سعییم اولدی هدر بالام لایلای
..
بوکولی قالدی کوینگون ائوده
منه ایلور اثر بالام لایلای
..
آتاسی غملی ائوده خونین دل
آناسی خونجگر بالام لایلای
..
..
..
..
پنجه ی ظلمیله وریلدون سن
غنچه تک ساقه دن قریلدون سن
..
..
..
..
ای قلم اودلان اودلی سوزلردن
مدد ایسته بتول اطهردن
..
فاطمه غملرون گوزل یازدون
یاز مصیبات مام اصغردن
..
گلینه قیناناسی ارثیه
قویدی گئتدی غم مقدّردن
..
قاره معجر ربابه محنت لر
قالدی یعنی بو قاره معجردن
..
مسکنی اولدی بیر یانان خیمه
اشکینی توکدی دیده ی تردن
..
سسلدی سینه ده یرون بوشدی
آیری دوشدون بو غملی مادردن
..
سودا حاضردی صودده حاضردی
دامجی دامجی دامور بو دوشلردن
..
سسلورم سینم اوسته گلمورسن
نه گوروبسن او غملی بستردن
..
ایلیوم شکوه قاره بختیمدن
یا سنی اوخلیان ستمگردن
..
اوخ یاراسی کچیک بوغازوندن
چوخ بیوک اولدی زخم خنجردن
..
..
..
..
حرمله خوابیده آنون بیدار
بیلورم قالدی محشره دیدار
..
..
..
..
عمریمه زیوریم بالام لایلای
دیلی یوخ دلبریم بالام لایلای
..
حلقه ی بختیمون سینان قاشی
هم سینیق گوهریم بالام لایلای
..
تا نفس وار بو اودلی سینمده
اولاجاق ازبریم بالام لایلای
..
هارا اوچدون گوزل گوئرچین تک
مرغ خونین پریم بالام لایلای
..
بیرده خط سعادتی گورمز
زندگی دفتریم بالام لایلای
..
گوزیوه پرده چکدی قان ای کاش
کور اولا گوزلریم بالام لایلای
..
ورَم ایلوبدی دوشلریم نیلوم
صوده یوخ مشتریم بالام لایلای
..
اود اولوب قلبیدن چیخان آهیم
اودلانور پیکریم بالام لایلای
..
دوشلریمده اولان صودی ساغسام
هایانا گوندریم بالام لایلای
..
..
..
..
#فاطمیه #انور_اردبیلی #فاطمیه_شهادت #ترکی #زبدةالاشعار
نظر دهید