ورود پر برکت حضرت معصومه به قم و زبانحال حضرت
#گریز به زبانحال زینب کبری علیها سلام
.
.
مرحوم حاج داود بیدق داری
.
.
فکرعالمی یانمیش اورگین غملی چاغیندا
روحیم قوشی پروازه گلوب قم سراغیندا
گل عطرین آلور حضرت معصومه باغیندا
بیرعطریدی که عطرینی گلخانه ده وئرمز
بیرباغیدی عارف اونی رضوانه ده وئرمز
.
.
ذهنیمده مجسم ائله دیم کوه وقاری
اول وقت که ایراندا اولوب ساوه گذاری
بیر عده ی نادانین اولوب یولدا دچاری
ظلمیله شهید اولدی هامی ایل وتباری
دردیله دولوبدور خانمین قلب فکاری
.
.
غملر بوریوبدور اورگین طاقتین آلدی
قارداش ئولومی درده سالوب رنگی سارالدی
زینب کیمی معصومه یامان گونلره قالدی
گوردی توکولن قانلاری اول فاطمه کردار
یولاردادا قم شهرینه جن اولدی عزادار
.
.
شهراهلی بیلوبلر خانمین موکبی گلدی
افلاک حیا و شرفین کوکبی گلدی
گویا که خانم فاطمه نین زینبی گلدی
پیشوازه چخوبلار هامی پیغمبره خاطر
قاره گیونوبلر او قرا معجره خاطر
.
.
حرمتله خانم وارد اولوبدور اودیاره
اطرافین آلوبلار سالینوب باشینه قاره
ازبسکه ورولموشدی اورکدن اونا یاره
وئردی ال اله درد وغم وگردش دوران
تاضامن آهو باجیسن سالدی ایاقدان
.
.
سویلردی گل امدادیمه ای شاه خراسان
گل تا که ائدیم مقدمیوه جانیمی قربان
جان اوسته دی معصومه ئوزون گل اوخی قرآن
خوشدور باجیلار جان وئرن اثناده رضاجان
قارداشلاریدا حاضر اولا گوزلری گریان
.
.
.
#گریز #زینبیه_شهادت
.
.
عرضیم بودور ای قمدا وئرن جان گوزی یولدا
یازدیم سنه غمنامه بو ایامیده اما
دوشدی یادیما شاه زنان زینب کبرا
جان اوسته دئیوردی اودا ای زینبه جانان
ای کاش اولیدون باشیم اوستونده حسین جان
.
.
عاشور بلا گرچه منه اولمادی امکان
قبرونده سنی دفن ائلیم ای شه عطشان
سن گل ولی بولحظه ی آخر ائله احسان
آخرنفسیدور گل ئوزون داده یارالی
زینب سنی گورسون ئولن اثناده یارالی
.
.
چوخداندی حسین روحیم اولوبدور سنه قربان
ئولدوم گورن اثناده سنی پیکری عریان
توپراقی سپردیم باشیما قلبی پریشان
گوردوم یارالی پیکریووین صاف یئری یوخدور
یکسر قاریشوب بیربیرینه نیزه دی اوخدور
.
.
سندن صورا دنیاده عجب گونلره قالدیم
گوردوم سارالان قیزلاریوی منده سارالدیم
هریئرده سو گوردوم دوداقون یادیمه سالدیم
شاهددی اورک سوزلریمه گوزده کی قانیاش
بو خاطره لر بوکدی اوجا قددیمی قارداش
.
.
درد اهلی بیلر آیریلیقین دهریده دردین
وصلوندی فقط زینبووین قلبینه تسکین
بیر نحویله ائتدیم بوچتین غملره تمکین
سئل لر نه فقط حالیمه گریاندی حسینیم
داغلاردا منیم صبریمه حیراندی حسینیم
.
.
گرچه سنی من دفن ائلیه بیلمدیم ای شاه
فرصت باجیوا وئرمدی چون فرقه ی گمراه
باغلاندی اوگون قولاریم ای عرضیمه آگاه
سن گل آقالیق ایله منی قویما پریشان
رخساریووی دیدار ائدیم آسوده وئریم جان
.
.
#23ربیع
#حضرت_معصومه_ورود_قم
#حضرت_معصومه_شهادت
#بیدقداری
#ترکی
#زبدةالاشعار
نظر دهید