استمداد حضرت علی اکبر(ع)
..
..
#سبک_ساخلا_ناقه_می_کاروانیدن (8 سبک) …
#سبک_نقش_من_چرا_نقش_ماتمه …
مشابه
..
..
مرحوم خوندل تبریزی
..
..
گل دیز اوسته آل قانلو باشیمى
ئولدورور منی کوفیان بابا
اوخ وروبلا از بس وجودیمه
سو کیمی اولور قان روان بابا
..
..
..
..
کربلا چولی سوزش هوا
شدّت عطش گون حرارتی
اوخ یاراسی خنجر جراحتی
تیغ صدمه سی نیزه ضربتی
سلب ایدوب یارالی وجوددن
صبر و قدرت و تاب و قوتی
گل بو حالیله گول یوزون گوروم
تا که جان ویروم کامران بابا
..
..
..
..
ایستدیم گلم محضرونده من
ای بابا اولام نائل وصال
دوتدی یولّاری اتفاقیله
اهل کین منه ویرمدی مجال
خنجریله یعقوب ایلدی
سرو قدّیمی ظلمله هلال
دوشموشم ترابه عقابدن
بستریم اولوب لخته قان بابا
..
..
..
..
ایلیوبله خندان وجودیمی
گول کیمی بابا قوم اشقیا
راضیم اؤزوم راه عشقده
گلسه باشیمه هر قدر بلا
عین افتخاریمدی یوخ غمیم
من اگر اولام دینیمه فدا
عاشق حقیقی ویرور بلی
باش و جانیله امتحان بابا
..
..
..
..
قوردولار بلا دامینی عدو
ایتدیلر منی اول کمنده رام
وردیلار یارا اوستونه یارا
قالمادی داخی قدرت قیام
جان یتوب دوداقه ولی تیکوب
گوز یولا اوغولسوز قالان آنام
ایلوری جسارت بو اشقیا
الده تیغ و تیر و سنان بابا
..
..
..
..
من سنون بابا انتظاروم
اؤز آنام منه انتظار دور
قویما منتظر گل هرایمه
نو گلون گرفتار خاردور
اکبرون ویرور قان ایچینده جان
حالی حالت احتضاردور
باشیم اوسته گل آخر عمرده
ائتگلن منی شادمان بابا
..
..
..
..
بیر شکسته پر بلبلم بابا
آچموشام جفائیله بال و پر
سینم اوسته سنبل کیمی منیم
باش باشا چاتوب اوخدی سر بسر
یاره لر قزل گولدی گوئیا
دل آچوب اؤزی شرح حال ایدر
گلدی اوخ آخور قانی سو کیمی
پیکریم اولوب گلستان بابا
..
..
..
..
ریزه ریزه گر دوغراسا عدو
جسمیمی منیم یوخ شکایتیم
مایل وصالم واریمدی چون
بزم وصل دلداره دعوتیم
باش ویرم گرک کوی عشقده
تا منیم یته باشه خدمتیم
من فدای حقّم گرک ویرم
قوملار اوسته لب تشنه جان بابا
..
..
..
..
خوندلم سیزه وار ارادتیم
آغلارام اودور هر صباح و شام
درد و محنت روزگاردن
اولدی روز روشن گوزومده شام
چوخ خوشام دیم بیرده قبریوون
عطرینی آلان وقتده مشام
گل دیز اوسته آل قانلو باشیمى
ئولدورور منی کوفیان بابا
..
..
#اکبریه #خوندل_تبریزی #اکبریه_شهادت #ترکی #زبدةالاشعار
نظر دهید