عاشق صادق گرک عشقین بیله معناسنی #شب_عاشورا_علومی_تبریزی

شب عاشورا
..
..
..
..
علومی تبریزی
..
..
..
..
عاشق صادق گرک عشقین بیله معناسنی
درک ایده دلدن حسینون شام عاشوراسنی
..
..
..
..
عالمه سالدی او دمکه پردۀ ظلمت نقاب
آزمایش وقتیدی گوردی شه عالی جناب
قالماسین بیگانه فرمان ویردی گتسون شیخ و شاب
مجلس دلداریده بسدور علی اکبر منه
سینم اوستونده قالار اوغلوم علی اصغر منه
..
..
..
..
بیلدی منظورین امامین ناتوانلار گتدیلر
سیندیروب پیمانی بی نام و نشانلار گتدیلر
قویدولار یالقوز اونی نامهربانلار گتدیلر
لیک بر عدّه یانندا باوفالر قالدولار
آیرلوب بیگانه لردن آشنالر قالدولار
..
..
..
..
سسلدی بیر بیر قالان اصحابی اول شاه انام
یوز حبیب ابن مظاهر سمتینه دوتدی امام
سویلدی گل سنده گیت بو چولدن ای عالی مقام
قوی شهید ایتسون حسینی کربلاده اهل کین
گل مزاریم اوستونه قرآن اوخی هر اربعین
..
..
..
..
ایتدی بو سوزلر او پیر زنده دلدن سلب تاب
گوزلری دولدی یوزونده ظاهر اولدی انقلاب
دوتدی دامان امامی شوریله ویردی جواب
قورتولوب عمریم چتین الدن ویرم دامانوی
درگهیندن سیّدی ردّ ایلمه مهمانوی
..
..
..
..
باخدی قارداشی ابوالفضله بُیوردی شاهدین
میلون اولسا گتماقا اولماز حسینون دل غمین
قوی اوغولسوز قالماسین مندن صورا ام النبین
هر بلا گلسه منیمدی دوشمه بو غوغایه سن
گیتسن عبّاسیم اگر غرق اولماسان دریایه سن
..
..
..
..
چوخ چتین گلدی بو سوزلر باوفا قارداشنا
اللرین ووردی فغان و شیونیله باشنا
دوردی شوریله دولاندی بیر حسینون باشنا
دولدی گوزلر یوزلره اولدی روان گوز یاشلاری
دوردولار بیردن ایاقه باوفا قارداشلاری
..
..
..
..
مجلسین حالی دولاندی دوشدی شور و ولوله
دللره دوشموشدی غصّه سالدولار فرصت اله
واعلیا ذکر ایدوبلر گلدیلر بیردن دیله
عرض ایدوبلر تاپشروبدی بیزلری حیدر سنه
..
..
..
..
قاسمه باخدی حسن قارداشی دوشدی یادینه
یثربه گیتماخلقی تکلیف ایدوب دامادینه
صحبت هجران اونون ویردی شرر اكبادینه
عرض ایدوب دوزدور یتیمه غمگسار اولماز عمو
قاسمون دوغرانسادا سندن کنار اولماز عمو
..
..
..
..
باخدی اوغلی اکبرین بیر قامت رعناسینه
گوزلری دوشدی علینون دیدۀ شهلاسینه
خاطر محزونیله احسن دیدی لیلاسینه
ایتدی فرمایش اوغول لیلایه مشگلدی غمون
یثربه گیتسون اولار صغرا همیشه همدمون
..
..
..
..
معنی عشقی او بیر آز عدّه تفسیر ایتدیلر
هر جوان مرده اولار برنامه تحریر ایتدیلر
تا جهان وار کلمۀ ایثاری تقریر ایتدیلر
مکتب توحیده واللهى اولاردی آبرو
شوط قبرون اونلارین ایلر علومی آرزو
..
..
..
..
#شب_عاشورا #علومی_تبریزی #ترکی #زبدةالاشعار