عید او گوندور بیزه قرآن اولا حاکم جهانا #مهدیه_امینی_خویی

در انتظار عید
.
.
.
مرحوم امینی خوئی
.
.
عید او گوندور بیزه قرآن اولا حاکم جهانا
آنلیا دینینی هر وقت گله هر کیم جهانا
یا گرک اولمیا دنیا یوزونون زور دیه نی
یا گرک قهراً و قطعاً چکیلوب اودّا یانا
.
.
عید او گوندور بیزه غفلتده یاتانلار اویانا
رنگ آزادی و عدله هامی اللر بویانا
یا گرک عالمِ اسلام علمی سایه سالا
یا گرک قدرت بازو نقدر وار دایانا
.
.
بو امامین سوزودور جنگیدن اوّل بویوروب
مثل آئینه دی بو کلمه مفصّل بویوروب
یا گرک بیر نفر اسلامیده جان ساخلامیا
یا گرک فتنه نی قرآن ائده منحل بویوروب
.
.
عید او گوندور بیزه عنقای عدالت پر آچا
اوج اعلاده عدالت علمی شهپر آچا
یا گرک دور نقدر قانیمیز اولسا توکوله
یا گرک نصر من الله علمین رهبر آچا
.
.
عید او گوندور بیزه لطف ایلیه شاه شهدا
کربلاده علم نصر من الله اوجالا
یا گرک نهر فراتین سوئی قان تک یرییه
یا گرک بنیۀ طاغوتی بنادن پوزولا
.
.
عید او گوندور بیزه مهدی گله دنیا یوزینه
دیه لبیک جهان اهلی امامی سوزینه
یا گرک گوزلریمیز گورمیه قرآن یخلوب
یا که قربان اولا بو گوزلر او مهدی گوزینه
.
.
عید او گوندور بیزه قدسون یولی آزاد اولونا
قدسی اشغال ایلینلر سینا بر باد اولونا
یا گرک شرقیله غربین کسیله ریشه لری
یا گرکدور اولارا زلزله ایجاد اولونا
.
.
عید او گوندور بیزه قرآن دیه فتحین سوزینی
فتح دن سوز دییلنده توکه کفرین گوزینی
یا گرک قصر ستبداد اولا ویران یخیلا
یا گرک ئولدوره صدامیله ریگان اؤزینی
.
.
.
#بهاریه #مهدیه_امینی_خویی #بهاریه_امینی_خویی
#عید_او_گوندور_بیزه_قرآن_اولا_حاکم_جهانا
#ترکی
#زبدةالاشعار