قد سروی خمیده ، یارالی آنام ایوای #فاطمیه_سعدی_زمان

زبانحال حضرت زینب کبری (س) در شهادت مادر
.
.
#سبک_علی_جان_بالا_لبیک
.
.
مرحوم #سعدی_زمان
.
قد سروی خمیده ، یارالی آنام ایوای
گیدن قبره شهیده ، یارالی آنام ایوای
.
.
آز عمریله اولان مین خدنگ غمه آماج
یوزی گوامین اصلاً اولان خوش گونه محتاج
سپاه غم و غصّه ائدن صبرینی تاراج
سیه زلفی سفیده یارالی آنام ایوای
.
.
آز عمریله چکن چوخ جهاندا غم و محنت
قد سرو رساسین بوکن بار مصیبت
کسن رشتۀ عمرین یدِ ظلم و مشقّت
دؤُزَن ظلم مزیده یارالی آنام ایوای
.
.
بلا رنگینه هر آن خُم غمده بویاندون
آچوب ظلم الی ثانی قاپون یاندی دایاندون
شهید اولدی جنینون اؤزونده یارالاندون
اولان سینه دریده یارالی آنام ایوای
.
.
بو بس اولمادی الدن عدو مُلکوی آلدی
گیدوب حقّون الوندن گویه آهون اوجالدی
بیر ال دگدی یوزوندن اثر مه یوزه سالدی
خسوف اولدی پدیده یارالی آنام ایوای
.
.
آنا عطریون ائدردی خجالت گل یاسی
گله طعنه ووراردی یوزون ذوق و صفاسی
شل اولسون او الیکه اونون ائتدی جفاسی
او گل رنگی پریده یارالی آنام ایوای
.
.
بابام ختم رسالت گیدن گون بو جهاندان
سنه باب مصیبت آچیلدی نچه یاندان
دونوب ذلته عزّت دویوردی سنی جاندان
مُلِمّاتِ عدیده یارالی آنام ایوای
.
.
هامی عمرده بیر گون یوزون گولمدی دلدن
بلالر گونی گوندن آلوب صبریوی الدن
ئولونجه سالا هیهات قیزون آدیوی دیلدن
توکر قان یوزه دیده یارالی آنام ایوای
.
.
سنه غسل وئرنده آتام شاه ولایت
گوروبدور بدنونده وار آثار جراحت
حسینیله حسندن ائشیتدیم من او ساعت
دیوللر که شهیده یارالی آنام ایوای
.
.
دوشور یادیمه هر دم گوگل سوز و گدازون
اولور گوزده مجسّم دل شبده نیازون
قیزون بوش گورور ایمدی ولی جای نمازون
شب تار و سپیده یارالی آنام ایوای
.
.
اولوب وضع قنوتون سبب دلده ملاله
بیر الّی ال آچاردون درِ عزُّ و جلاله
قولون قاخموری گوردوم ائدورسن نجه ناله
خداوند مجیده یارالی آنام ایوای
.
.
او غملر که توکولدی سنون اوستوه هر دم
توکولسیدی گون اوسته اولوردی شب مُظلم
گلیدی اجل ا ی کاش ئولیدوق آنا باهم
قیزون قالدی وحیده یارالی آنام ایوای
.
.
بویورموشدی پیمبر منه اجر رسالت
فقط آل عبایه محبتدی ، مودَّت
عجب امّتی ائتدی مراعات وصیّت
غم و رنج کشیده یارالی آنام ایوای
.
.
او گون مسجده گئتدون گوزی یاشلی و خسته
او قومیله دانشدون یارالی ایاق اوسته
گئدر شامده بیر گون جفا قیدینه بسته
قیزون بزم یزیده یارالی آنام ایوای
.
.
آنان رحلتی ائتدی «حسینی» سنی نالان
اودور پوزدی بو جمعی سوزون ائتدی پریشان
بویوردی سنه «ناحی» بونی ذکر ائله هر آن (1)
گئدن قبره شهیده یارالی آنام ایوای
ـــ
(1) ناحی ، نوحه خوان معروف تبریزی بود و در سال 1326 شمسی برحمت خدا پیوست.
.
.
#فاطمیه_شهادت
#قد_سروی_خمیده_یارالی_آنام_ایوای
#آثارالحسینی1 ص 79
#ترکی
.
✍️ #زبدةالاشعار✍️
.
🆔: @nohe_torki