زبانحال حضرت امام حسین(ع) در بالین ابوالفضل العباس (ع)
.
✍️ زبدة الاشعار ✍️
?: @nohe_torki
.
.
محمدعلی مصیبی تبریزی
.
.
سبک:ساقیابده جامی
.
یاتما بیله آسوده لشگرین علمداری
گوزلری قالوب یولدا خیمه نین سوسوزلاری
آچ گوزون – آچ گوزون – باوفا علمداریم
گوزلری – یولدادی – خیمه لرده قیزلاریم
.
.
وار یری اگر یانسا آسمانلار آهیندن
چشم عرشیان مخمور ناوک نگاهیندن
آه او تیر محنت دن دگدی سجده گاهیندن
بیله اوخ گلیدی کاش قانلی قلبیمه ساری
.
.
هاردا جان وئرر سقا سو یانیندا لب عطشان
اولموسان سو اوستونده قانیوه سوسوز غلطان
صاق گوزون دولی قاندی پیکرون اولوب شان شان
آچماسان گوزون قارداش کیمدی زینبین یاری
.
.
راه عشقیده ووردون عشقیله قدم قارداش
اولدی بیله بیر یولدا قوللارین قلم قارداش
قویمادین ولی اولسون سرنگون علم قارداش
دور گئداخ ؛ فراقیندن سالما درده قیزلاری
.
.
کیم دیئردی صحرای کربلاده بیز صوللوخ
بیر بولود کیمی برج ابتلاده بیز دوللوخ
فکرائدوردیم عبّاسیم بیرده قول بویون اوللوخ
گلمیشم بو فکریلن گورمورم او قوللاری
.
.
قالمیشام کمکسیز من بو بلالی صحراده
تک منی قویوب گئتمه قهرمان آزاده
دۆزدی اصغریم صاغدی چاتسون هر زمان داده
منتها طنابیلن باغلانوبدی قوللاری
.
.
هئچ دئمم یانار قلبیم محنت فراقیندن
یا ندن آخور قارداش قان سوسوز دوداقیندن
نیلیوم اگر قیزلار دوتسالار سراغیندن
جان وئرر رقیّم گر فاش بیلسه اسراری
.
.
بیلسه لردوشوب آتدان توپراق اوسته عباسیم
بیربیره دگر مَخیم ای نگین الماسیم
هم حرملر آغلالار هم صولار گل یاسیم
غصه مرگ اولار زینب بولسه شرح غمباری
.
.
سن علیِّ ثانی سن صاحب لوا قارداش
باب حاجت آدوندی سینه مه صفا قارداش
بیر «مُصیّب» آدیندا وار سنه گدا قارداش
ئوز کرامتونله آچ مشکلون اونون باری
.
.
#سبک_ساقیا_بده_جامی
.
#عباسیه_شهادت
#یاتما_بیله_آسوده_لشگرین_علمداری
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید