زبدةالاشعار

قوملارین اوستونده دوشوب شاه شهیدان یارالی #حسینیه #ناطق_هشترودی

شهادت امام حسین(ع)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی ( ناطقی )
.
قوملار اوستونده دوشوب شاه شهیدان یارالی
باش یارا سینه یارا حالی پریشان یارالی
.
.
حالنی یوخ سوروشان غصّه لر آرامین آلوب
یار و انصاری ئولوب محنت غمدن قوجالوب
سجده حالینده دوشوب قان یره سجّاده سالوب
نفس آلدوقجا وئریر یاره لری قان یارالی
.
.
بوریوب گرد محن دشت غم اولدوزلارنی
چیخادیب یادّان حسین بن علی قیزلارینی
تاپشروب زینبه اوّلده اوغولسوزلارنی
بوشلیوب ما ملکین ، جدّنه مهمان یارالی
.
.
لمس ایدوب کرب و بلا دشتی یارالی بدنی
دوره سین دشمن آلوب وار نه گلیب نه گیدنی
کوفه اهلی تانیور معرکده جان ویرنی
یوخدور الدن دوتانی شافع عصیان یارالی
.
.
بیر نفر یوخدی دیه منشأ تقوا یخلوب
افتخار نبوی وارث طاها یخلوب
مایة عز و شرف زادة زهرا یخلوب
رحم سیز ملّته باخ پیکری شأن شأن یارالی
.
.
دشمنون ظلمی قاتوب خون دله گوز یاشنی
ئولدوروب کوفلیلر اوغلونی هم قارداشنی
کعبة عشقده توپراقه قویوبدور باشنی
هو هو الحق دئیوری عاشق منان یارالی
.
.
سینه سی درده گلوب یارلن انصاری ئولوب
ظلم الیله یخلوب قافله سالاری ئولوب
اوجا بوی انلی کورک ارشد علمداری ئولوب
دین اسلامه اولوب تک تکی قر بان یارالی
.
.
عشق معبوده گوره اوستونه غملر توکولوب
الی الدن ئوزولوب قامتی غمدن بوکولوب
ئوره گیندن دگوب اوخ قلب شریفی سوکولوب
وعده گاهه توکولور چشمه حیوان یارالی
.
.
ما سواللهی آتوب جلوه ای جانانه گوره
سینه ده اوخلار آچوب منظره قرآنه گوره
قاننی بذل ایلیوب مالک دیوانه گوره
محضر یاره گیدور حجّت سبحان یارالی
.
.
اوخلار آغوشه آلوب قانه ترابه برونوب
حرکت ایلمگه یوخدی توانی گورونوب
زینبین آلدی سسین قوملارین اوسته سورونوب
دورماقا مایلدی اولمادی امکان یارالی
.
.
“ ناطقی “ عرض ایدوری شاه شهیدانه سلام
سوسوزوندان قورویان لبلری عطشانه سلام
مسلخ عشقده توپراقه آخان قانه سلام
چوخ سوویر دعوت ایده هیأتی مهمان یارالی

.
.
.
.
#حسینیه #محمدی_ناطق
#حسینیه_شهادت
#قوملار_اوستونده_دوشوب_شاه_شهیدان_یارالی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی