زبدةالاشعار

انگیزۀ اهل دین و قرآن آیات رشادت حسیندی #حسینیه_تائب_تبریزی

در شأن و شخصیت حضرت سیدالشهداء
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
انگیزۀ اهل دین و قرآن
آیات رشادت حسیندی
حیثیّت ملت مسلمان
مدیون شهادت حسیندی
.
.
عشق اهلینه بیر یگانه رهبر
عشّاق اورگین ایدن مسخر
علّت اودی باصفا اورکلر
کانون محبّت حسیندی
.
.
الگوی شرف تمام ناسه
یول سینه ده ویرمین هراسه
افکارده خلق ایدن حماسه
انگیزۀ همّت حسیندی
.
.
احیاگر حق دین و قرآن
معبود صفات و روح ایمان
هم عزّت و آبروی انسان
آفاقده حضرت حسیندی
.
.
هر شهر و کنار و هر طرفده
هر مجمع جمع باهدفده
هر محفل و مجلس شرفده
گفتار شرافت حسیندی
.
.
ال اوزماق علی اکبریندن
هم قاسم ماه پیکریندن
آلتی آیلیق علی اصغریندن
معنای دیانت حسیندی
.
.
همرهلری سالمیان گوزیدن
قاره قولی سچمین اؤزیندن
صون دم تاپوب اؤپماقی یوزیندن
مقیاس فتوّت حسیندی
.
.
باشدان باشا عشق یار اولماق
عشق اهلینه سر قطار اولماق
باش اگمیه سربدار اولماق
معیار شهامت حسیندی
.
.
مجلس قورا هاردا بیر جماعت
اول بزمده اهل دین و غیرت
مردان جهاندان اولسا صحبت
سرسلسله صحبت حسیندی
.
.
درد اهلینه مهربان و هم درد
تکلیقدا مین آتلویه هم آورد
نامردلری یخان ابر مرد
تاریخده شهرت حسیندی
.
.
بنیان جفایه لرزه سالماق
آفاقده صور عدل چالماق
جان نقدی ویروب شریعت آلماق
قانون تجارت حسیندی
.
.
دین اوسته جهانی گوزدن آتماق
قانه بویانوب یارالی یاتماق
دنیاده یاتانلاری اویاتماق
عنوان عقیدت حسیندی
.
.
عشق اوسته رموز عشقی سچماق
قان سو یرینه یارالی ایچماق
جاندان ره دین حقده گچماق
قانیله کتابت حسیندی
.
.
وار قانی روان پاک دینده
روشندی بو صحبت مُبینده
قرآنی ایدن همیشه زنده
غوغای شهادت حسیندی
.
.
عالملری چولقیان وفاسی
هر قلبه صفا ویرن صفاسی
عالمده مریضلر شفاسی
پُر غالیه تربت حسیندی
.
.
بیر رحمت ذات پاک رحمان
وجه كرم قدیم الاحسان
باخ شأنه تمام کون و امکان
پیچیدۀ رحمت حسیندی
.
.
الله چاغیروب علم اوجاتماق
ترک سر ایدوب مرامه چاتماق
افکارده روح دین یاراتماق
نیروی دیانت حسیندی
.
.
نفسیله ایدوب جهاد اکبر
قدرین بُیودوبدی حیّ داور
علت اودی روز و شب ملک لر
مشغول زیارت حسیندی
.
.
ویرمیش اوزی وعده لایُراسی
تجدید اولا ایل به ایل عزاسی
هر یاندا حسین حسین صداسی
افزایش عزّت حسیندی
.
.
مقتلده نه گوردی اهل بدعت
یوز قویدی ایده خیامی غارت
من ئولمه میشم دیدی جماعت
زنده هله قدرت حسیندی
.
.
حاشا گتورم قرار و طاقت
خوفه دوشه اهلبیت عصمت
چون هاشمیم واریمدی غیرت
بو غیرت اصالت حسیندی
.
.
اوز قتلگهینده حکم تحریم
قانیله یازیلدی اولدی تنظیم
خلق اولمیه اهل ظلمه تسلیم
بو رمز رشادت حسیندی
.
.
تائب نقدر وار الده فرصت
اوصاف حسینی قیل كتابت
دللرده حسین ایدر حکومت
پاینده حکومت حسیندی
.
.
.
.
#حسینیه_تائب_تبریزی
#حسینیه_مدح #حسینیه_شهادت
#انگیزه_اهل_دین_و_قرآن_آیات_رشادت_حسیندی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بهشت باصفا دور بارگاهون #رضویه_رمضانی_ذوالفنون

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی