زبدةالاشعار

مرد ایمان اؤزونی تابع شیطان ائلمز – #حسینیه#بیدق_داری

رازو نیاز حضرت اباعبدالله الحسین علیه السلام در قتلگاه
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
مرد ایمان اؤزونی تابع شیطان ائلمز
نئجه که عاقل ئوزون پیرو نادان ائلمز
.
تاپسا معنا یولونی سیرِ اِلی اللّه ائلین
اورگین عشق مجاز اوسته پریشان ائلمز
.
قادر اللّه یارادوب چوخ قوشی خلقتده ولیک
هاموسین محرم اسرارِ سلیمان ائلمز
.
کیم چیخار نوریله جنگه دوشر آخرده یره
چون بولوت اوّل و آخر آئی پنهان ائلمز
.
قادر اللّهه توکل ائلین سینمیاجاق
معرفت اهلی یقین بو سوزی کتمان ائلمز
.
بی زر و زور اگر خالص اولا بوذر اولار
زر ولی بیر نفری بوذر و سلمان ائلمز
.
عشقی اغیاره دئمه سانکه صبا عشق سوزون
یاریدن یاره دئیر، اؤزگیه عنوان ائلمز
.
ایستسه خالق اگر قطره نی عمّان ائلیر
یا اراده یله قیزارمش اودی سوزان ائلمز
.
ائله انسان یارادار، تک اؤزی بیر ملّت اولار
تکیه هئچ کیمسیه غیر از حق سبحان ائلمز
.
وار دلیلیم بونی اثبات ائدرم عشق آدینا
گرچه ارباب صفا دعوی بُرهان ائلمز
.
گور نجه یخدی حسین ابن علی ظلمین ائوین
بویوروب حاکم اولان خالقه عصیان ائلمز
.
داغ یخان سئل کیمی سیندیردی ستم کنگره سین
گوردی بیر ایش او ایشی موجلی عمان ائلمز
.
نَفَسی وئردی صبا مثلی سولان گُلشنه جان
کیم دیور باد صبا باغی گُل افشان ائلمز
.
اوندا کی قلبی یارا آلنی یارا دوشدی یئره
دئدی یار ایستینی یاره پشیمان ائلمز
.
.
.
اوچ پر اوخدور اوتوران جعبۀ سینمده خدا
دوشمیشم مقتله من زینبه صبر ایله عطا
.
.
.
شاهد اول محضره ای شاهد و جانان گلورم
قویمیشام عترتیمی خیمه ده گریان گلورم
.
صبحدن قانلی بدن خیمیه حمل ایلمشم
یوز گوزوم قانه باتوب پیکریم آلقان گلورم
.
اکبری دوغرادیلار قویدوم عبا ایچره اودور
لیلی مجنونه دونوب منده پریشان گلورم
.
یاره لر گُل تک آچوب قاسمی گلگون ائلدی
گُلّلری جمع ائلیوب ای حق رحمان گلورم
.
صورتی ماه کیمین ماه بنی هاشمی من
نهر علقمده قویوب قانینه غلتان گلورم
.
اوچ پَر اوخ آلدی دوامین یره دوشدی یارالی
او چاتوب محضریوه منده دالیجان گلورم
.
حرمله اوچ پر اوخی ووردی گوزل اصغریمه
داغی یاندیردی منی سینه سی سوزان گلورم
.
وصلیوی ساده اَله سالمامیشام ساده گَلَم
ایلدیم صورتیمی قانیله اَلوان گلورم
.
قافِ صبر اوسته الهی دایانوب همّتیلن
وورموشام پرچم ایثاری ثناخوان گلورم
.
بسکه حیرانم ئوزوم جلوۀ نور ازله
گویلرین اهلی قالوب عشقیمه حیران گلورم
.
آیریلیق دردی یامان درد اولی آگهسن ئوزون
تا آلام عشق آدینا دردیمه درمان گلورم
.
یاره سیز محضریوه گلمرم ای خالق جان
داغیدیب سینه می اوچ شعبه لی پیکان گلورم
.
یولومی کسدی رقیّم اونیدا رد ائلدیم
سنه تاپشوردوم اونی ای حق سبحان گلورم
.
طائر روحیمه چوخ تنگیدی بو کهنه قفس
قالماقا یوخدی داخی جسمده امکان گلورم
.
سن که جبران ائلین سن ولی عشق عالمی من
یوخدی جبراندا گوزوم عشقیوه قربان گلورم
.
#داوره لطف ائله تا تئز یتیشه محضریوه
دئیه پاکیزه ائدوب جانیمی جانان گلورم
.
.
.
#پندیات
#حسینیه_شهادت
#مرد_ایمان_اؤزونی_تابع_شیطان_ائلمز
#بیدق_داری
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی