آوردن حضرت امام(ع) علی اصغر(ع) را به میدان جهت اتمام حجت
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
آغوشینه گون آلوب سهیلی
مین غم دل کهکشانه گتدی
بیر ماهی تشنه لب الینده
نمرود اوخونا نشانه گتدی
.
.
عنقای شجاع قاف وحدت
غوّاص بحار آدمیّت
بیر غنچه ده تاپدی شوق وصلت
مین شوریله گلستانه گتدی
.
.
اتمامه یتوبدی گوردی هجران
وصلت یولونی دوتوبدی دونان
قرآن گتوروب الینده قرآن
تاپماقلیقا یول بهانه گتدی
.
.
آچدی لب لعل گوهر افشان
رسوا اولونوبدی آل سفیان
سعد اوغلی صدور ایدوبدی فرمان
اوز کینه سینی عیانه گتدی
.
.
تا حرملیه یتیشدی دستور
بی حد اولونوب جسور و مغرور
باخموبدی اوشاقه خسته رنجور
دیز توپراقا اَل کمانه گتدی
.
.
آچدی باشینی بتول عذرا
دنیا یوزونی دوتوبدی غوغا
بیر تیر سه پر اولوب هویدا
جنّ و ملکی امانه گتدی
.
.
شه قانین اوغول قانینا قاتدی
بولمم نه دئدی او طفله یاتدی
شاه اَلده بالاسینی اوجاتدی
درد دلینی بیانه گتدی
.
.
شوریله ازل او نعشه باخدی
گوزدن یوزونه سرشکی آخدی
اوز صورتینه او قانی یاخدی
پیک مِحَن انس و جانه گتدی
.
.
گوزیاشی عذاریده روانه
حسرتله باخوب اویان بویانه
اصغر قانین آتدی آسمانه
مِحنت دل آسمانه گتدی
.
.
عزم ایلدی سمت خیمه گاهی
اوّل دولانوبدی رزمگاهی
تاپدی سو یانندا سر سپاهی
گویا گلی باغبانه گتدی
.
.
فرمایش ایدوبدی دور ایاقه
حرمت نجه گور اولوب قوناقه
پستان اوخ اولوب سوسوز اوشاقه
غم سینۀ شادمانه گتدی
.
.
نالم گویه بی سبب اوجالماز
بیر کیمسه بونی الیمدن آلماز
حلقینده کی یاره سی ساغالماز
بو غم منی چوخ فغانه گتدی
.
.
«هادی» اورگونده واردی حاجت
توکمه بیله گوزدن اشک حسرت
شاهنشه دین ایدر شفاعت
لطفِ حقیدی زبانه گتدی
.
.
.
.
#اصغریه_هادی_تبریزی
#اصغریه_شهادت
#آغوشینه_گون_آلوب_سهیلی_مین_غم_دل_کهکشانه_گتدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید