مسجد کوفه ده تا سجده ده حیدر گورونوب #حیدریه_بیدقداری

نوحه ضربت خوردن حضرت علی (ع)
#گریز به #قتلگاه
.
#سبک_یارالی_جان_یارالی ( 4 سبک )
.
.
حاج داود بیدق داری
.
.
مسجد کوفه ده تا سجده ده حیدر گورونوب
عرشیدن ناله گلوب لرزه ده منبر گورونوب
.
.
تیغ جهلیله بلا بیربیرینه قیلدی کمک
تا مهیا ایده لر فاطمیه قاره لچک
لاله گون اولدی علینون یوزی دینجلدی فلک
گوئیاوقت سحر لاله ی احمر گورونوب
.
.
عالمه ولوله دوشدی یخلوب مرد خدا
اغلادی عالم معناده اونا ارض وسما
دیدیلریازدیقی قرآنه علی اولدی فدا
بوخبردن دئیه سن کوفه ده محشر گورونوب
.
.
یوردی دنیای دنی میرعرب خسته گیدور
شوق زهرائیله اول شاهد وارسته گیدور
شاه عالمدی ولی کهنه گلیم اوسته گیدور
هانسی مکتبده بئله غصه لی رهبر گورونوب
.
.
یتشوبلر ایوه بیرلحظه باخوب دور وبره
بویوروب اوغلونا اول سروری قویسونلایره
اولمیوب راضی اونی یاره حالیله گوره
زینبه فکرائلیور ساقی کوثر گورونوب
.
.
سروی سندیردیلا یارب گل عرفان سارالوب
صورت آینه ی جلوه ی رحمان سارالوب
گوردی بو منظره نی زینب نالان سارالوب
نچه یرده بوسیاق زینب مضطر گورونوب
.
.
بیری زهرا یخلان وقته سولوب گل مثلی
بیر بو وقتئیدی گلوب کهنه گلیم اوسته علی
بیرده شمریله کشاکشده که دوغراندی الی
دخت زهرا سارالان گللره بنزر گورونوب
.
.
اللری قانیله الوان قئیدوب خیمه لره
شمره فرصت یتشوب حضرتی سالسون خطره
دئیه بیلمم نه اولوب تکیه ائدم گر خبره
او چوخور یئرده ولی عالم دیگر گورونوب
.
.
ایستورم پرده لی عنوان ائلیم غم سوزینی
زینبین تار ائلدی شمر دغا گوندوزینی
خنجره وئردی تکان فاطمه یومدی گوزینی
یئل اسوب کرب وبلا گوزده مکدر گورونوب
.
.
.
#حیدریه
#حیدریه_شهادت
#بیدقداری
#ترکی
#مسجد_کوفه_ده_تا_سجده_ده_حیدر_گورونوب
#زبدةالاشعار