زبانحال مادر حضرت قاسم (ع)
..
..
..
..
..
عُلیَوی
..
..
..
..
..
منی غرق ائدوب بو سایسیز یارالار ملاله قاسم
کفن اولدی طوی لباسون یانورام بو حاله قاسم
..
..
..
..
..
بالا سنده مظلوم اولدون علناً آتان حسن تک
که اونوندا نعشی تیره هدف اولموشیدی سن تک
بدنی داغیلمامیشدی ولی بو سوسوز بدن تک
سنی سالدی هانسی ظالم بو اسفلی حاله قاسم
..
..
..
..
..
باشیوا دگوبدی ضربت قان آخوبدی گل عذاره
دوتولوبدی آی مثالی بو جمال ماه پاره
گوزون آچ یامان گونومدی آناوا ائله نظاره
منی توش ائدوب فراقون اوتی اشتعاله قاسم
..
..
..
..
..
یانورام غم آتشینده باشیوون بلاسی چوخدی
ولی ای یارالی داماد بو طویون مثالی یوخدی
الیوون حناسی قاندی شاباشوندا داشدی،اوخدی
اورگیم یانور باخاندا یارالی جماله قاسم
..
..
..
..
..
غم اوخی اصابت ایلوب داخی قلبیدن اوزولمز
بئله غملی ماجراده نجه قان گوزه دوزولمز
آنانین گر اوغلی ئولسه اوزی حشر اولونجا گولمز
منیلن مزاره جن وار بو فغان و ناله قاسم
..
..
..
..
..
بو شهادتون اگرچه منی غصه دن قوجاتدی
بلیمی بوکوب ولیکن باشیمی اوغول اوجاتدی
منیده بو غملی چولده صف صابراته قاتدی
گرک ایندی شکر ائدم من حق ذولجلاله قاسم
..
..
..
..
..
سنه گرچه دوتمادیم طوی باشیوا سپنمدیم گل
قورولار ولی قیامت بالا حل اولار بو مشکل
طویووی دوتار ملک لر اودی ایلورم تحمّل
باشیوا بهشتین اهلی سپه جکله لاله قاسم
..
..
..
..
..
قانون آخدی حق یولوندا منه بسدی بوکرامت
سنی درک ائدوب شهادت منی درک ائدر اسارت
بو تحمّلاته خاطر بیزه حق وئرر جلالت
صُلحا دییلر احسن بو بویوک مقامه قاسم
..
..
..
..
..
سن ئوزون چکردون اوغلوم بئله بیر مقامه حسرت
یتیشوبسن ایندی کامه ائلیوبله عرشه دعوت
آتاوا قوناق گدورسن سنی گوزلیور او حضرت
منی درد هجره سالدون چاتاسان وصاله قاسم
..
..
..
..
..
سیز ایچوب می شهادت چاتیسوز مرامه اوغلوم
یولوزی بیز اهل عصمت وئرروک ادامه اوغلوم
قولی باغلی سینه داغلی آپارالّا شامه اوغلوم
بیزی نائل ایلیوب حق بو گوزل خصاله قاسم
منی غرق ایدوب بو سایسیز یارالار ملاله قاسم #قاسمیه_علیوی
نظر دهید