توسل به حضرت ولی عصر (عج)
و گریز به شهادت حضرت زهرا (س)
..
..
..
#سبک_ممد_نبودی_ببینی (واگیر: آه و واویلا … )
#سبک_بزم_عزاده_گیمیشم
#سبک_ای_دلبر_آزادگان
..
..
رضوی زنجانی
..
..
هجران الیندن الامان یا اباصالح
گل داده ای صاحب زمان یا اباصالح
مولاجان
مولاجان
..
..
عشقینده عاشقلر آقا اولدی دیوانه
گل چاره ایله سن اوزون درد هجرانه
گلسن دولّانوق باشیوه مثل پروانه
گل کعبه دن باشلا اذان یا اباصالح
..
..
ای مرتضی نون دهریده قان آلان اوغلی
اعدا و کفرین جانینه اود سالان اوغلی
گون مثلی پشت ابریده ای قالان اوغلی
گون تک جمالون وئر نشان یا اباصالح
..
..
دیوانه ائتمیش شیعه نی شوق دیدارین
دهری هاچان ایلر ایشیق نور رخسارین
محو ایلیرسن تیغله کفرون آثارین
گل ای شه عرش آستان یا اباصالح
..
..
مولا قسم وئروق سنی جان زهرایه
پهلولری سینمیش خانم دخت طاهایه
غصه سارالدوب تئز باتان شمس مولایه
تپراقدا گون اولدی نهان یا اباصالح
..
..
اولدی آنان قدّى کمان ظلم اعدادن
خصم ائتمدى شرم و حیا روح طاهادن
گوزیاشی توکدی آغلادی دویدی دنیادن
عقبایه گئتدی باغریقان یا اباصالح
..
..
سولدی سارالدی گل کیمی دخت پیغمبر
سندی بو غمده سنمیان فاتح خیبر
کوثر گئدوب آغلار قالوب ساقی کوثر
ماتم دوتوبدی قدسیان یا اباصالح
..
..
مرغ سعادت حیف اولا ووردی پر گئتدی
سالدی ایاقدان ضربه ی میخ در گئتدی
قرآنه ائتدی بو خانم جان سپر گئتدی
دین اوسته اولدی جان فشان یا اباصالح
..
..
غسل ایلینده مرتضی دخت طاهایه
بیلمم نئجه غم ئوز وئروب اوندا مولایه
دریای غمده غرق اولوب باخدی زهرایه
اشگین ائدوب گوزدن روان یا اباصالح
..
..
سسلندی آچ بیر گوزلرون فاطمه یاتما
خورشید عالم صبر ایله گل هله باتما
یوخ بیر کسیم گوزدن خانم گل منی آتما
حیدر اولوبدی خسته جان یا اباصالح
..
..
بی تابیدور طاها دئدی گرچه دیداره
یومدون گوزون افسوس اولا سینه ده یاره
ای گل دچار اولدون ندن دهریده خاره
مولا على ائتدى فغان یا اباصالح
..
..
..
#مهدیه #رضوی_زنجانی #فاطمیه_رضوی_زنجانی #مهدیه_فاطمیه #فاطمیه_شهادت #ترکی #زبدةالاشعار
نظر دهید