نه اولا ائدم زیارت او دیاری نهر علقم #نادری

خطاب به نهر علقم
آرزوی کربلا
.
✍️ زبدة الاشعار ✍️
.
🆔: @nohe_torki
.
سبک ها : سو یوخومدی قیزلاروندان … سنی سسلیور هرایه … سنه سو دین دوداقلار … یالار سینونده قارداش …
.
.
.
مرحوم قدرت اله نادری میانجی
.
نه اولا ائدم زیارت
او دیاری نهر علقم
گوزیمون یاشی سنون تک
اولا جاری نهر علقم
.
.
.
سنون آدیوا ئورکدن
بیلوسن چوخ الفتیم وار
قوجاقوندا کی شهیده
نقدر محبتیم وار
نچه مدت و زماندیر
بو دیلک بو حسرتیم وار
گلوب ایلیم زیارت
او مزاری نهر علقم
.
.
.
نجه پاک توپراقون وار
مه هاشم اوردا باتدی
ایکی قول وئروبدی سقا
علمی او یرده یاتدی
گورم اوخ نه نوعی گلمیش
اونی مشکه کیملر آتدی
اولی باصفا دیللر
سو کناری نهر علقم
.
.
.
نجه باصفادی دشتون
پوزولوب او یرده گلزار
نجه باصفادی تندن
دوشوب اوردا خاکه قوللار
یوخوموش صفا ئوزونده
سنه بیر صفا وئرن وار
بو سوزه ندور جوابون
سنی تاری نهر علقم؟
.
.
.
بورویوب کنار نهری
او دوشن قولون صفاسی
هامی قبردن علاوه
گوزه گورسنور وفاسی
اوجا بوی اوزون قول اولسا
چوخ اولار اونون سخاسی
دونوب آخگیلان اقلاً
اونا ساری نهر علقم
.
.
.
ئوزی ایچمیوب سو سقا
آدی تا وفالی قالسین
نجه گور سخاسی واردور
ایکی قول وئروب سو آلسین
نه روا سو اوسته دشمن
ایکی قوللارینده سالسین
بیر ایچیم سو سن وئریدون
قولا باری نهر علقم
.
.
.
نقدر تلاش ائدوبدی
یتوره سوئی خیامه
ایچه اصغر و رقیه
یتیشه مراد و کامه
اونی ائتدیلر خجالت
گله لعنت اهل شامه
نجه سالدیلار کمنده
او شکاری نهر علقم
.
.
.
سنیدون گلنده شاهد
باشی اوسته شاه عطشان
دئدی دور ایاقه یاتما
نظریم بو قوم عدوان
گوره لر وزیر جنگین
آپارور خیامه سلطان
نیه گئتمدی خیامه
او فکاری نهر علقم؟
.
.
.
نیه گلشن امامت
بیله نظملن پوزولدی
نیه قارداشین الیندن
باجینون الی اوزولدی
نیه نو شکفته گوللر
سارالوب ستمله سولدی
نیه تئز خزانه وئردون
او بهاری نهر علقم
.
.
.
ایچور آهولار سویوندان
سو آخاردی مثل غلطان
او زماندا غم قطاری
سنه گلدی اولدی مهمان
نیه وئرمدون سو اوندا
قالوب آل حیدر عطشان
سویا حسرت ائتدون آخر
او قطاری نهر علقم
.
.
.
بیلوسن که چوخ زماندور
ئورگیمده وار بو مطلب
گلوب اوردا بیر گوریدوم
نجه یردی تل زینب
سنه تلیدن باخیدوم
منه بسدی تک او منصب
نجه چکدی زینب اوندا
او فشاری نهر علقم
.
.
.
او مقامه « نادری » یاز
ئورگیمده چوخ سوزوم وار
اولا بارگاهی قسمت
دییم ای سخالی سردار
نیه توزلی دور مزارون
نیه باغلی قالدی یوللار
گوزومه دوا ایدیدوم
او غباری نهر علقم
.
.
.
#سبک_سو_یوخومدی_قزلاروندان … 5 سبک
.
.
.
.
#فرات
#آرزوی_کربلا
#نه_اولا_ائدم_زیارت_او_دیاری_نهر_علقم
#نادری
#ترکی
.
✍️ #زبدةالاشعار ✍️
.
🆔: @nohe_torki