زبدةالاشعار

ای دشت بلاده توکولن قانی حسین جان #اربعین_محمدرضاصادقی

اربعین
.
✍️زبدةالاشعار✍️
.
🆔: @nohe_torki
.
محمدرضا صادقی
.
ای دشت بلاده توکولن قانی حسین جان
لب تشنه وئرن دین حقه جانی حسین جان
.
.
بو چولده یارالی باجیوی گوزدن آتوبسان
یالقیز سو کنارینده سوسوز قانه باتوبسان
آغوشه آلوب اصغری آسوده یاتوبسان
عرشه اوجالور زینبون افغانی حسین جان
.
.
.
سو نسگیلی عالملری یاندیردی یارالی
عباسی رقیه نن اوتاندوردی یارالی
سقانی عدو قانه بویاندوردی یارالی
بیر جرعه سویون اولدی پریشانی حسین جان
.
.
.
شمریله سنان ایلدیلر ظلمیده طغیان
زینب باجیوین حالی ائله اولدی پریشان
میندیردیله عریان دویه قیزلاری گریان
یورقون بیزی گزدیردیله هریانی حسین جان
.
.
تا کوفیه گئتدوخ بیزه بیشرم جماعت
ال چالدولا ظلمیله بیزه ائتدی شمادت
زینب باجیوی ایلدی بو صحنه خجالت
آغلاتدیلا بو خانه سی ویرانی حسین جان
.
.
گه دوشدی یولون معبد عیسایه یارالی
یوللاردا چوخی دوردی تماشایه یارالی
شاماتیده دوشدوم ائله غوغایه یارالی
سجادی یزید ایلدی زندانی حسین جان
.
.
بیر ظلم ایلدی آل امیه بیزه قارداش
هم حالیمه بیگانه یانوبدور همی یولداش
تا ووردی عجوزه یارالی باشیوه بیر داش
عالملری یاندوردی آنام جانی حسین جان
.
.
مسکن بیزه ویرانه اولوب شام بلاده
بیر آیری غم اولدی بیزه ویرانه سراده
تا گوردی رقیه باشیوی طشت طلاده
جان وئردی ربابون گل ریحانی حسین جان
.
.
دوشدوم نچه مدت سنیله قارداش آرالی
گزدیم باشون آردینجا داغی داشی یارالی
بو قبریوه اما یارالی گلدیم عزالی
پیشواز ایله دور خسته بو مهمانی حسینجان
.
.
« شیدا » نچه مدتدی بیزه ایلوری خدمت
دفترده ائدور یازماقا « میثم » ده شراکت
دعوت ایله تا قبریوی ائتسونله زیارت
مایوس ایلمه بو ایکی نالانی حسین جان
.
.
.
.
#سبک_ای_باد_صبا … بیش از 7 سبک
.
.
.
#اربعین
#ای_دشت_بلاده_توکولن_قانی_حسین_جان
#محمدرضاصادقی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مژده مژده بر شیعیان آمد امیر مومنان #حیدریه_احمد_پوریا

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی