زبدةالاشعار

پوزقون گورنده گوللری گلزاره آغلارام #حضرت_ام_البنین_نادربابایی

زبانحال حضرت ام البنین (س)
.
.
حاج نادر بابایی
.
.
پوزقون گورنده گوللری گلزاره آغلارام
یوخدور علاجیم الده ، گیدوب چاره آغلارام
.
خوان عزانی پهن ایدرم هر گئجه گونوز
اوّل حسینه اول شه ابراره آغلارام
.
نسگیللرون دوشنده منیم یادیمه اوغول
گللم فغانه سن کیمی سرداره آغلارام
.
هیهات ئولونجه من چیخادام رخت قاره نی
حشره کیمی سالوب باشیما قاره آغلارام
.
ویردی سنی حسینیمه نوکر آتون علی
ایتدون عمل وصیّت کرّاره آغلارام
.
دشمن سنه ویروبدور امان نامه گیتمدون
گیتمز منیم بالام صف اغیاره آغلارام
.
ایتدیم حلال من صودومی ای وفا سیر
سنده اولان شجاعته ایثاره آغلارام
.
زهرا یانیندا ایتدون ابوالفضل باشیم اوجا
اولماز آنون خجل بیله کرداره آغلارام
.
گاهی گلر منیله باجون باش باشا ویرر
زینب دینده اوخشاما قوللاره آغلارام
.
من هر سوروشدوقیجا سنی مختصر دیر
دشمن وروبدی اوغلووا چوخ یاره آغلارام
.
قالدی نشانون ایندی منه بیر یتیم بالون
بوینون قویاندا چگنینه هر باره آغلارام
.
اوغلون گیدنده مسجده هر گون باتان چاغی
منده دالیجا گیتدیگی یوللاره آغلارام
.
چوخ با وقاریدور هم ئوزون تک ادب لیدور
احیا ایدوب سنی بیله رفتاره آغلارام
.
سن تک اوروج دوتار بالون الله رضاسینه
پهن ایلینده سفره نی افطاره آغلارام
.
قرآنووی اوخور گیجه لر شمع یانجاقین
راز و نیاز ایدر حق داداره آغلارام
.
گاهی او پاره مشکووی ئوز چیگنینه سالار
منده باخاتدا قامت سالاره آغلارام
.
گاهی علم آلور الینه صحن خانه ده
لنگر سالاندا پرچم علمداره آغلارام
.
«نادر» قویوبدی نوکر آدین آستانوزه
هر گون دیر او موسم دیداره آغلارام
.
ایسته حسینی لر گله قبرونده باش آچا
منده باخوب او دسته زوّاره آغلارام
.
.
#حضرت_ام_البنین #نادربابایی #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...