زبدةالاشعار

گر چه قبر اطهر فاطمه خفاده دور #فاطمیه_ناصر_اردبیلی

قبر گمشده – به یاد کربلا
.
.
.
.
#سبک_مسلمون_شهادتی ( 5 سبک سینه زنی و زنجیر )
.
.
مرحوم ناصر اردبیلی
.
.
گر چه قبرِ اطهرِ ، فاطمه خفاده دور
مدفنی مدینه ده ، روحی کربلاده دور

.
چون گوروبدی فاطمه چوخ جفا مدینه ده
تاپشروب نهان قالا قبری تا مدینه ده
دفن ائدوب گجه اونی مرتضی مدینه ده
قبر فاطمه اودور ایندی ده خفاده دور

.
دوتماز هئچ مکانیده چون حسینسیز قرار
کربلادن اولمیور روح فاطمه کنار
آلتی گوشه قبرینه دمبدم باخوب یانار
چون گورور او دوغرانان نعشی بوریاده دور

متن پیشنهادی:  یا الاه العالمین ای خلق ائدن کون و مکانی #مهدیه_اسماعیل_زرین

.
بانوی قیامتون موج ائدوبدی محنتی
کربلا نشین اولوب ترک ائدوبدی جنتی
بی قرار ائدوب اونی چون حسین محبتی
ال چکوب بهشتیدن روحی نینواده دور

.
گه حسینینون باخار باشی ذبح اولان یره
جان حسین دیر توکر گوز یاشین همان یره
باخدوقیجا آغلار اول غصه آرتران یره
قلبی مشتعل همین جای غم فضاده دور

متن پیشنهادی:  شمرالینده زینب کبری یالین خنجر گوروب #قتلگاه_مژده_اردبیلی

.
گاهی اوچ پر اوخ دگن قلبه اشگبار اولور
گاهی تشنه نحر اولان حلقه غمگسار اولور
گه کسوک بیلکلره سینه داغدار اولور
نینواده روز و شب فاطمه نواده دور

.
چون او قانلو مقتله ایلیور آنا نظر
وای بالا دیور یوزه گوزدن اشگ خون توکر
مثل اینکه اوغلونی خنجر آلتدا درک ائدر
شمر کافری گورر حالت جفاده دور

متن پیشنهادی:  کیمدی بو عشقی حسینون عشقینه همتا اولا #حسینیه_عدلی_تبریزی

.
گه او صاحب لوا قبرینه ائدر نگاه
وای اوغول دیر چکر دمبدم جگردن آه
سویلیور سنه بالا وار او قدر عزّ و جاه
حدی اول مقاموین محضر خداده دور

.
بسدی «ناصرا» سنه بو جلال و بو مقام
آستان شاهیده آدلانوب آدون غلام
نوکر حسینه وار پادشه تک احترام
گر چه ژنده پوشدور کِسوتِ گداده دور
.
.
#فاطمیه_شهادت
#کربلا #فاطمیه
#گر_چه_قبر_اطهر_فاطمه_خفاده_دور
#ناصر_اردبیلی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی