زبدةالاشعار

چاتماز هئچ عاشق صادق سنه عزتده حسین #زینبیه_معزی_اردبیلی

زبانحال حضرت زینب سلام الله علیها در لحظات احتضار
.
✍️زبدة الاشعار✍️
.
🆔: @nohe_torki
.
مرحوم #معزی_اردبیلی
.
چاتماز هئچ عاشق صادق سنه عزتده حسین
منی سال خاطروه گوشه ی غربتده حسین
شاد ائله قلب پریشانیمی صحبتده حسین
پوزولان صورتینه اشکی آخان زینبوم
نگران حالیده یوللاره باخان زینبوم
.
.
هجروین قویما شرارینده ئولنده آلیشام
سنده کی رأفتیلن اللی بش ایلدی تانیشام
ایستورم آخر عمریمده سنیلن دانیشام
گل سنون دردغموندن قوجالان زینبوم
نگران زینبوم قدی کمان زینبوم
.
.
شاه حساب اولسا اگر پیکر عفت ، تاجیام
کعبهٔ عشقی زیارت ائلییندن ، حاجیام
یدّی قارداشیم ئولوب قارداش آدامسیز باجیام
بش یاشیندان باشینا قاره سالان زینبوم
جان وئرنده گوزی یوللاردا قالان زینبوم
.
.
ای وفا سرور وسالاری وفاداروه باخ
ملک عشقونده گلوب عاشق بیماروه باخ
سینم اوسته منه سندن قالان آثاروه باخ
آلماقا دشمن الیندن چالیشان زینبوم
بزم ظلّامیده محکم دانیشان زینبوم
.
.
آتمیشام داشینی باشیمدن حسینجان وطنین
سؤمیشم شهر دمشقین گل و باغ و چمنین
ئولنین گوزلری جان اوسته گزر ایستینین
کربلاده ائوی قارداش یخیلان زینبوم
ئورگی وصلوه خاطر سیخیلان زینبوم
.
.
من آنام فاطمه نون غرق سرشک تریم
گون بگون کرببلا فاجعه سیندن اریم
اللی بش ایلدی گوزل سوزلریوه مشتریم
بزم یاسونده باشا ال آپاران زینبوم
قاروی گیمیشم عمری قوتاران زینبوم
.
.
گلستانونده قیزیل گوللروه منتظرم
گله دیداره شیرین دیللروه منتظرم
گوزومی باغلیاسان اللروه منتظرم
دفتر عمری حسین پاره لنن زینبوم
باشوین اوسته الی یاره لنن زینبوم
.
.
قدرتی وئردی فلک معرکه ده حرملیه
تیریلن مملکت عشقی سالا زلزلیه
قورخی دان تیتریه اخیامیده قیزلار ملیه
صبر سر حدّینی طوفاندا یخان زینبوم
اللرین باشه قویوب تلّه چیخان زینبوم
.
.
اولمیان گون بیزه عباس وفاجو قولی یار
دئدیم الله بالاجا قیزلارا بس کیم اولی یار
آل اطهاری اوگون قمچیه اعدا دولیار
وقت غارتده جفا رنجین اوتان زینبوم
قوللارین قمچیلر آلتیندا دوتان زینبوم
.
.
کوفه ده قویدی زنان اللرینی قاشلارینا
باخدیلار نیزه باشیندا شهدا باشلارینا
اولدی کی باشون هدف فوج دغا داشلارینا
قورتاران صبری علاجی اوزولن زینبوم
باش ووران محمله قانی سوزولن زینبوم
.
.
شامیده ابن معاویّه قویوب باشینه تاج
سنی ئولدوردی سوسوز ظلم وجفا تاپدی رواج
طشتیده قانلی دوداقلاروه اندیردی آغاج
شمع شکلینده وجودی ارین زینبوم
باجون ئولسون سنه مجلسده دیین زینبوم
.
.
من رقیه بالوون فکرینه قارداش قالانام
عطروی آلماقا یوللاردا قوجاقه آلانام
صورتیندن ئوپنم سینه ده لایلای چالانام
گئجه مظلومه قیزا قبر قازان زینبوم
آدینی سنگ مزارینده یازان زینبوم
.
.
#زینبیه_شهادت
#چاتماز_هئچ_عاشق_صادق_سنه_عزتده_حسین
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  ای سپه کوفه تانورسوز منی #اکبریه #ساعد_زنجانی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی